العاشقى ەكى كۇندە عانا شەتەلدىكتەر تاراپىنان 13 زاڭ بۇزۋشىلىق انىقتالدى. باستى پروبلەما – تىركەۋ مەرزىمىن وتكىزىپ الۋ, رۇقساتسىز جۇمىسقا ورنالاسۋ. ء«ۇي يەلەرىنەن دە شەتەلدەن قوناقتار كەلگەندە كوشى-قون قىزمەتى قىزمەتكەرلەرىنە ءۇش كۇن ىشىندە حابارلاۋعا مىندەتتى ەكەندىكتەرىن ۇمىتپاۋلارىن سۇرايمىز», - دەيدى سقو پوليتسيا دەپارتامەنتى كوشى-قون قىزمەتى باسقارماسىنىڭ باستىعى پوليتسيا پودپولكوۆنيگى تالعات ءابىل ءوزىنىڭ حالىققا قايىرىلۋىندا.
ەلەكتروندىق تسيفرلىق قولتاڭبالارى بار ازاماتتار مۇندايدى قاشىقتان, ياعني egov.kz پورتالى ارقىلى دا جاساي الادى. بارلىق كونسۋلتاتسيالاردى تۇرعىلىقتى جەرى بويىنشا پوليتسيا بولىمىنەن نەمەسە پەتروپاۆل قالاسىنداعى 34-00-23 تەلەفوندارى ارقىلى الۋعا بولادى ەكەن. بۇگىنگى كۇنى سولتۇستىك قازاقستان وبلىسىندا 2801 شەتەلدىك ازامات تۇرادى.
