اكىمشىلىك اگەنتتىكتىڭ بايانداماسىنا سايكەس, 18 جاسقا دەيىنگى جاستاردىڭ 74 پايىزى ينتەرنەتتى سمارتفون ارقىلى قولدانادى. بيلىك ۇيالى تەلەفوندار جاسوسپىرىمدەرگە كەرى اسەر ەتەدى دەپ ەسەپتەيدى, سوندىقتان شەكتەۋ قويۋ جاستاردىڭ كورۋ قابىلەتىن ساقتاپ, ساباققا دەگەن زەيىنىن اشۋعا ىقپال ەتەدى.
«بۇل وقۋشىلاردىڭ كورۋ قابىلەتىن ساقتاپ, ساباققا دەگەن زەيىنىن اشىپ, وقۋ پروتسەسى كەزىندە ينتەرنەتتە وتىرىپ, ويىن ويناماۋى ءۇشىن, فيزيكالىق جانە پسيحيكالىق دامۋىن كۇشەيتۋ ءۇشىن قابىلداندى», دەلىنگەن مينيسترلىك سايتىندا.
مينيسترلىكتىڭ جارلىعى بويىنشا ۇيالى تەلەفوندى تەك سىنىپقا ەمەس, سونىمەن قاتار, جالپى مەكتەپكە الىپ كەلۋگە بولمايدى. قاۋلىعا سايكەس, قاجەت بولعان جاعدايدا اتا-انالار ءوتىنىش جازۋى قاجەت. سول جاعدايدا عانا وقۋشى وزىمەن تەلەفون الىپ جۇرە الادى. الايدا وقۋشى ساباق كەزىندە تەلەفونىن ساقتاۋعا ارنالعان ورىنعا تاستاپ كەتۋى ءتيىس.
مۇعالىمدەرگە دە ءۇي جۇمىسىن تەلەفون ارقىلى جىبەرىپ, وقۋشىدان ۇيگە بەرىلگەن تاپسىرمانى تەلەفون ارقىلى ورىنداۋىن تالاپ ەتۋىنە تىيىم سالىندى. مەكتەپ اكىمشىلىگى وقۋشىلارعا تەلەفوندى قاجەت جاعدايدا عانا قولدانۋدى ءتۇسىندىرۋى قاجەت. مينيسترلىك اتا-انالارعا بالانىڭ قىزىعۋشىلىعىنا ءمان بەرىپ, ولاردىڭ وقۋعا, سپورتپەن جانە شىعارماشىلىقپەن اينالىسۋعا دەگەن ىنتاسىن اشىپ, تەلەفون ساتىپ الاردان بۇرىن دۇرىستاپ ويلانۋدى ۇسىندى.
