ايماقتار • 01 اقپان، 2021

پاۆلودار وبلىسىنا ۆاكتسينانىڭ العاشقى پارتياسى جەتكىزىلدى

17 رەت كورسەتىلدى

پاۆلودار وبلىسىنا COVID-19 ۆاكتسيناسىنىڭ العاشقى پارتياسى كەلىپ ءتۇستى، دەپ حابارلايدى Egemen.kz

دەنساۋلىق ساقتاۋ مينيسترلىگىنىڭ اقپاراتى بويىنشا، پاۆلودار وبلىسىنا COVID-19-عا قارسى ۆاكتسينانىڭ بارلىعى 80 مىڭ دوزاسى ءبولىندى.

«گام-كوۆيد-ۆاك» (سپۋتنيك V) پرەپاراتىنىڭ العاشقى – 1 200 دوزاسى 31 قاڭتاردا ايماققا جەتكىزىلىپ، ع.سۇلتانوۆ اتىنداعى پاۆلودار وبلىستىق اۋرۋحانانىڭ قويماسىنا جەتكىزىلدى. ع.سۇلتانوۆ اتىڭداعى پاۆلودار وبلىستىق اۋرۋحانا كولەمى 2،2 تەكشە مەتر مۇزداتقىشپەن جابدىقتالعان. جاقىن ارادا قويماعا 1،2 تەكشە مەتر بولاتىن تاعى ءۇش ارنايى مۇزداتقىش قويىلادى. قاجەت بولعان جاعدايدا مەديتسينا قىزمەتكەرلەرى وبلىستىق قان ورتالىعىنىڭ قويماسىن ىسكە قوسادى، وندا 0،48 تەكشە مەتر مۇزداتقىش ورناتىلعان»، دەلىنگەن وبلىستىق دەنساۋلىق ساقتاۋ باسقارماسىنىڭ حابارلاماسىندا.

قالالار مەن اۋداندارداعى 31 ەمحاناعا پرەپاراتتار تەرموكونتەينەرلەردە جەتكىزىلەتىن بولادى. ۆاكتسينالاۋ ءۇشىن العاشقى مەديتسينالىق-سانيتارلىق كومەك مەكەمەلەرىندە بارلىعى 107 ەگۋ كابينەتى دايىندالعان.

ەگۋ ناۋقانىن ساپالى وتكىزۋ ءۇشىن 1125 مەديتسينا قىزمەتكەرى دايىندىق كۋرسىنان ءوتتى. ۆاكتسيناتسيا ەرىكتى نەگىزدە جۇرگىزىلەدى.

سوڭعى جاڭالىقتار

ۇقساس جاڭالىقتار