جالپى بارلىق مەملەكەتتىك ورگانداردىڭ قىزمەتىن تولىق اقپاراتتاندىرۋ ماقساتىندا مينيسترلىك 2020 جىلعا ارنالعان «جاسامپازدىققا تولى جىلدار» رەسپۋبليكالىق مەديا-جوسپارىن ازىرلەپ, ۇكىمەتتىڭ وتىرىسىندا بەكىتكەن. ونىڭ نەگىزگى باعىتتارى تاۋەلسىزدىگىمىزدىڭ 30 جىلدىعى, «رۋحاني جاڭعىرۋ» باعدارلاماسىن ىسكە اسىرۋ جانە ۆولونتەرلار جۇيەسىنىڭ دامۋى. ناۋرىز بەن مامىر ايلارىندا قازاقستاندا توتەنشە جاعداي جاريالانعاندا, COVID-19-عا قاتىستى جاسالىپ جاتقان ىستەردى حالىققا تەز جەتكىزۋ ماقساتىندا, ۇكىمەتتىڭ شەشىمىمەن رەسپۋبليكالىق كوممۋنيكاتسيالىق ورتالىق قۇرىلدى.
«ونىڭ جۇمىسىنا ءبىزدىڭ مينيسترلىكپەن قاتار دەنساۋلىق ساقتاۋ مينيسترلىگىنىڭ وكىلدەرى بەلسەنە قاتىسۋدا. ناۋرىز ايىندا Coronavirus2020.kz سايتى ىسكە قوسىلدى. ونىڭ ىشىندە ستاتيستيكالىق مالىمەتتەر, ينفوگرافيكا, ساراپتامالىق ماتەريالدارىمەن تولىقتىرىلادى. سايتتى كۇنىنە 100 مىڭ ادام قارايدى. قازاقستاننىڭ ازاماتتارىنان كەلىپ تۇسكەن 41 مىڭنان استام وتىنىشكە مەملەكەتتىك ورگاندار جەدەل جاۋاپ بەردى. «Telegram» مەسسەندجەرىندە @coronavirus2020.kz اتتى رەسمي كانال ىسكە قوسىلدى, وعان 300 مىڭنان استام وقىرمان تىركەلگەن. شىلدە ايىندا Stopfake.kz سايتىن ىسكە قوستىق. ول باق-تا, الەۋمەتتىك جەلىلەردە جانە مەسسەندجەرلەردە تارالعان جالعان اقپاراتتاردى انىقتاپ فەيك ەكەنىن مالىمدەپ حالىققا ءتۇسىندىرۋ جۇمىستارىن جۇرگىزەدى. قازىرگى كەزگە دەيىن 450-گە جۋىق ماتەريالدى جالعان ەكەنىن دالەلدەپ قوعامعا جەتكىزدى», — دەدى ۆيتسە-مينيستر.
جالپى 2020 جىلى كۆي تاقىرىبى بويىنشا باق-تا 274 مىڭ ماتەريال جارىق كورگەن.
