ەلوردا • 29 قاڭتار، 2021

بالالاردى ورتتەن قۇتقارعان ۇلاندىق «جاس سارباز» قوزعالىسىمەن ماراپاتتالدى

69 رەت كورسەتىلدى

جاڭا جىل قارساڭىندا ەلوردادا ءۇش بىردەي ءبۇلدىرشىننىڭ ءومىرىن ءتىلسىز جاۋدان اراشالاعان ۇلتتىق ۇلان جاۋىنگەگرى ەفرەيتور تەمىرلان امىرعازين ەرلىگى ءۇشىن كەزەكتى ماراپاتىن الدى، دەپ حابارلايدى Egemen.kz

وسى جولى ونى العىس حات ءارى باعالى سىيلىقپەن «جاس سارباز» بالالار مەن جاسوسپىرىمدەر اسكەري-پاتريوتتىق قوزعالىسى اتاپ ءوتتى. ماراپاتتى ۇلاندىق باتىرعا اتالعان ۇيىمنىڭ نۇر-سۇلتان قالاسى بويىنشا فيليالىنىڭ توراعاسى اسحات نالشىبەك تابىس ەتتى.

ء"بىزدىڭ ماقساتىمىز – تەمىرلان باۋىرىمىزدىڭ جاساعان ەرلىگىن جاستار اراسىندا ناسيحاتتاۋ. بۇگىنگى جاستاردىڭ وسىنداي ەرلىككە، باتىلدىققا بارعانىنا، جىگەرلى بولعانىنا ءبىز ماقتانامىز. سەبەبى اتا-بابامىز بالاعا بەس جاسىنان قولىنا قارۋ بەرىپ، اتقا وتىرعىزعان. ال قازىرگى ءبىلىم زامانىندا جاستاردىڭ اسكەري-پاتريوتتىق باعىتتا تاربيە الۋى – ول وتە ماڭىزدى. باۋىرجان مومىش ۇلى اتامىز ايتقانداي: «ەشكىمدە ىشتەي باتىر بولىپ تۋمايدى. باتىرلىق تا مىنەز سەكىلدى وسكەن ورتا، كورگەن تاربيەگە بايلانىستى قالىپتاسادى». ۇلتتىق ۇلان قاتارىندا تاربيەلەنىپ جاتقان جاستاردان وسىنداي تەمىرلان سەكىلدى باتىر ۇلدار ءالى تالاي شىعاتىنىنا سەنىمدىمىز"، دەدى اسحات نالشىبەك.

ەستەرىڭىزگە سالا كەتسەك، ۇلتتىق ۇلان اسكەري قىزمەتشىسى ەفرەيتور تەمىرلان امىرعازين جاڭا جىل قارساڭىندا ەلورداداعى ازىق-ت ۇلىك دۇكەندەرىنىڭ بىرىندە تۇرعاندا توبەدەن سىلاق ءتۇسىپ، جەلدەتۋ شاحتاسىنان قويۋ ءتۇتىن شىعىپ جاتقانىن بايقايدى.

قاۋىپتى ءساتتى قالت جىبەرمەگەن جاۋىنگەر دۇكەنگە كەلۋشىلەر مەن ساتۋشىلاردىڭ تەز ارادا دالاعا شىعۋىن وتىنەدى.

وسى ۋاقىتتا ول ءتۇتىننىڭ ەكىنشى قاباتتان شىعىپ جاتقانىن كورەدى. سويتسە بۇل دۇكەن ساتۋشىسىنىڭ پاتەرى ەكەن. ۇلاندىق جاۋىنگەر دەرەۋ ءورت ءسوندىرۋشى قىزمەتكە قوڭىراۋ شالىپ، ءۇي يەسىمەن بىرگە باسپانادان 3 ءبۇلدىرشىندى قاۋىپسىز جەرگە الىپ شىعادى.

سوڭعى جاڭالىقتار

الماتىدا جەر سىلكىنىسى بولدى

ايماقتار • بۇگىن، 10:55

وڭىرلەر بويىنشا ەپيداحۋال قانداي؟

كوروناۆيرۋس • بۇگىن، 09:20

1731 ادام كوروناۆيرۋستان ەمدەلىپ شىقتى

كوروناۆيرۋس • بۇگىن، 09:07

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار