جىل باسىنان بەرى الماتى قالاسىندا 671 ءورت وقيعاسى تىركەلسە, زارداپ شەككەن ادامداردىڭ سانى 26 پايىزعا ازايىپ, 31 ادامدى قۇرادى. ورتتەن 38 ادام قۇتقارىلىپ, 235 ادام قاۋىپتى ايماقتان شىعارىلدى, 1 ملن تەڭگەدەن استام سومانىڭ مۇلكى قۇتقارىلدى.
جەكە سەكتوردا 402 ءورت وقيعاسى تىركەلدى, بۇل جىل باسىنان بەرى تىركەلگەن ءورتتىڭ جالپى سانىنىڭ 60 پايىزىن قۇرايدى.
جەكە تۇرعىن ءۇي سەكتورىندا ءورتتىڭ نەگىزگى شىعۋ سەبەپتەرى:
- وتقا ۇقىپسىز قاراۋدان –96 ءورت وقيعاسى ورىن الدى, نەمەسە بۇل جەكە سەكتوردا بولعان ءورتتىڭ جالپى سانىنىڭ 24 پايىزىن قۇرايدى;
- پەشتەردى پايدالانۋ كەزىندە ءورت قاۋىپسىزدىگى ەرەجەلەرىنىڭ بۇزىلۋىنان بولعان ورتتەردىڭ سانى – 81 نەمەسە 20 پايىز;
- ەلەكتر قۇرالدارىن مونتاجداۋ نەمەسە پايدالانۋ ەرەجەلەرىنىڭ بۇزىلۋى سالدارىنان بولعان ءورتتىڭ سانى – 80 نەمەسە 19 پايىز.
- تۇرمىستىق ەلەكتر قۇرىلعىلارىن پايدالانۋ سالدارىنان- 64;
- ادەيى ورتەۋ -65;
- وتپەن جۇمىس جاساۋ وندىرىسىندە- 12, بالالاردىڭ تەنتەكتىگىنەن -2, ءورتتىڭ باسقا دا سەبەپتەرىمەن – 6.
جەكە تۇرعىن ءۇي سەكتورىندا ورىن العان ورتتەن (11) ورتتەن ادامداردىڭ قازا بولۋ سەبەپتەرىن ناقتىلاۋ كەزىندە انىقتالعانى: 7 ءورت وقيعاسىندا قايتىس بولعاندار الكوگولدى ىشىمدىكتەر ىشكەن (توسەكتە تەمەكى شەككەن), قالعاندارى ەلەكتر سىمدارىنىڭ اقاۋلىعىنان, ونىڭ ىشىندە, تۇنگى ۋاقىتتا قاراۋسىز قالدىرىلعان ەلەكتر شاينەكتەرى مەن ماي شامداردان تۇتانعان ورتتەن بولعان. سونداي-اق ادامداردىڭ ولىمىنە اكەلىپ سوقتىرعان بارلىق ورتتەر تۇنگى جانە تاڭەرتەڭگى مەزگىلدەردە, ياعني قىراعىلىق ازايىپ, ادامداردىڭ ۇيدە قالىڭ ۇيقىدا بولاتىن ۋاقىتتاردا بولعان. سونىمەن قاتار, تۇرعىندار ءورت قاۋىپسىزدىگى ەرەجەلەرىن دۇرىس ساقتامايدى, ەلەكتر قوندىرعىلارىنىڭ ەرەجەلەرىن ورەسكەل بۇزىپ, اقاۋى بار, جارامسىز ەلەكتر جابدىقتارىن پايدالانادى.
سونىمەن بىرگە, 2020-2021 جىلدارداعى جىلىتۋ ماۋسىمىندا ورتتەردى بولدىرماۋ, ادامداردىڭ جاراقاتتانۋىن ازايتۋ ماقساتىندا, الماتى قالاسى توتەنشە جاعدايلار دەپارتامەنتىمەن توتەنشە جاعدايلاردىڭ الدىن الۋ بويىنشا كەشەندى ءىس-شارالار جۇرگىزىلۋدە:
از قامتىلعان جانە قوزعالىسى شەكتەۋلى وتباسىلاردىڭ 100-دەن استام ۇيىندە توتەنشە جاعدايلار دەپارتامەنتىنىڭ قىزمەتكەرلەرى ەرىكتىلەرمەن بىرلەسىپ ەلەكتر جەلىلەرىن, جىلۋ جۇيەلەرىن, پەش قۇرىلىمدارىنداعى جارىقتاردى جوندەۋگە, اكتەۋ, پەش مۇرجالارىن كۇيەدەن تازارتۋ جانە باسقا جۇمىستارعا كومەك كورسەتتى.
ورتتەردىڭ 60 پايىزى جەكە تۇرعىن ءۇي سەكتورىندا ورىن الاتىنىن ەسكەرە وتىرىپ, وتكەن جىلدىڭ تامىز ايىنان باستاپ تۇرعىندارعا اۋقىمدى ۇگىت-ناسيحات ءتۇسىندىرۋ جۇمىستارىن جۇرگىزۋ باستالدى. بارلىعى 145 471 جەكە تۇرعىن ءۇي ەسەپكە الىندى, قاتتى وتىن پايدالاناتىن 1848 ءۇي تولىقتاي تەكسەرۋدەن وتكىزىلدى, ونىڭ ىشىندە 605 الەۋمەتتىك از قامتىلعان وتباسىلاردىڭ ءۇيى قايتا تەكسەرىلىپ (2 رەت), ءورت قاۋىپسىزدىگى تۋرالى 300 مىڭنان استام ەسكەرتپەلەر تاراتىلدى. الەۋمەتتىك جاعدايلارى وسال توپتاعى وتباسىلار مەن الكوگولدىك ىشىمدىكتەر ىشۋگە بەيىم ادامداردىڭ تۇرعىلىقتى جەرلەرىندە كۆي وشاقتارىن ەسكەرە وتىرىپ, 271 رەيد جۇرگىزىلدى.
اكىمدىكتىڭ قولداۋىمەن الەۋمەتتىك از قامتىلعان وتباسىلاردىڭ كومىرمەن جىلىتىلاتىن 1254 جەكە تۇرعىن ۇيلەرى, قاتتى وتىن پايدالاناتىن باسقا دا جەكە ۇيلەر كومىرتەگى توتىعى داتچيكتەرىمەن (2018-2020 جىلدارى ۇيلەرگە ورناتىلعان داتچيكتەردى قوسا العاندا) جابدىقتالعان.
جۇرگىزىلگەن پروفيلاكتيكالىق جۇمىستاردىڭ ناتيجەسىندە قاتتى وتىن پەشتەرى بار ۇيلەردە ءورت شىقپاي, ادامداردىڭ كومىرتەگى گازىنان ۋلانۋىپ قايتىس بولۋىنا جول بەرىلمەدى, ال جاراقات العانداردىڭ سانى 22 پايىزعا تومەندەپ, 31 ادامدى قۇرادى. 2019 جىلى بۇل سان - 40 بولعان.
الماتى قالاسى تجد 2020-2021 جىلعى جىلىتۋ ماۋسىمىندا ءورت وقيعالارىن جانە ادامداردىڭ جاراقات الۋىن بولدىرماۋ ءۇشىن تومەندەگى نەگىزگى ەرەجەلەردى ساقتاۋ قاجەتتىگىن ەسكەرتەدى:
- گاز قۇرالدارىن قولدانۋدا قاۋىپسىزدىك شارالارىن ساقتاۋ;
- جىلىتۋ پەشتەرى مەن گاز اسپاپتارىنىڭ جانىندا جيھاز جانە باسقا دا جانعىش زاتتاردى ورنالاستىرماۋ, سونداي-اق كيىم مەن وتىندى كەپتىرمەۋ;
- اقاۋلى ەلەكتر روزەتكالارىن, ەلەكتر اجىراتقىشتاردى جانە ەلەكتر اسپاپتارىن پايدالانۋعا بولمايدى;
- ەلەكترپليتالارى مەن ۇتىكتەر, ەلەكترشاينەكتەرى مەن كەروسين قۇيىلعان ىدىستاردى وتقا ءتوزىمدى ورىنتاققا ورناتىڭىز;
- جىلۋ بەرۋ كەزەڭىندە, جىلىتۋ پەشتەرىنىڭ مۇرجالارىن, كۇيە قۇبىرلارىن تازارتىڭىز;
- وت جاعاتىن پەشتىڭ الدىنداعى ەدەنگە ولشەمى كەمىندە 50ح70 سانتيمەتر بولاتىن قاتتى تەمىر توسەنىش بەكىتۋ.
