«جالپى, جاستار ماسەلەسى – بۇل تۇتاس مەملەكەت كەلەشەگىنىڭ ماسەلەسى. وعان كەلگەندە ءبىز, بىرىنشىدەن, ءار ءوڭىردىڭ ەرەكشەلىگىن ەسكەرۋىمىز كەرەك. وسىعان وراي, قازىر مينيسترلىك بارلىق وڭىرلەردە جاستار ماسەلەسى بويىنشا قوعامدىق تىڭداۋلار وتكىزىپ, سول جەردىڭ الەۋمەتتىك-ەكونوميكالىق, مادەني-رۋحاني ىڭعايىنا قاراي ناتيجەلى ۇسىنىستار مەن شەشىمدەر قالىپتاستىراتىن بولامىز», دەدى ا.بالاەۆا مينيسترلىكتىڭ كەڭەيتىلگەن القا ماجىلىسىندە.
ا.بالاەۆانىڭ ايتۋىنشا, ءار ءوڭىر بويىنشا ءتيىستى ءىس-شارالار جوسپارىن جاساپ, ونىڭ ىشىندە NEET ساناتىنداعى جاستاردى قولداۋ ىسكە اسىرىلاتىن بولادى. بۇدان بۇرىن حابارلانعانداي, مينيستر الداعى ۋاقىتتا قايىرىمدىلىق جانە ۆولونتەرلىك جونىندەگى زاڭ جوبالارىن جەتىلدىرۋ جوسپاردا بار ەكەنىن ايتتى.
«وزدەرىڭىز كۋا بولدىڭىزدار, پرەزيدەنت باستاماسىمەن جاريالانعان «ۆولونتەرلەر جىلى» – ەرىكتىلەر قوزعالىسىنىڭ دامۋىنا تىڭ سەرپىن بەرگەن جاسامپاز جوبا بولدى. سوندىقتان دا, ەل پرەزيدەنتى ۇكىمەتكە بۇل جۇمىستى تۇراقتى تۇردە جالعاستىرۋدى تاپسىردى. قازىر ارنايى جول كارتاسى جاساقتالىپ, ىسكە اسۋعا دايىن. مۇنىڭ ءوزى – «ۆولونتەرلىك» ۇعىمنىڭ اۋقىمى كەڭ جانە ول ءبىر جىلمەن نەمەسە ءبىر جوبا اياسىندا عانا شەكتەلمەيتىندىگىن كورسەتەدى», دەدى مينيستر.
