قۇرلىقتىق ليگا اياسىندا ەلوردالىق كلۋب جەرگىلىكتى «نەفتەحيميك» كومانداسىمەن جولىققان. «بارىس» ساپىنان دميتري شەۆچەنكو, ەگور پەتۋحوۆ جانە ياكوب ليليا مەرگەندىگىمەن كوزگە ءتۇستى. سوڭعىسى ءدۋبلدىڭ اۆتورى اتاندى. ال الاڭ يەلەرى ەڭ سوڭعى مينۋتتا ءبىر شايبا سوعىپ ۇلگەردى. وسىلايشا 4:1 ەسەبىمەن قازاقستاندىق كلۋب جەڭىسكە جەتتى جانە سونىڭ ارقاسىندا تۋرنير تىزىمىندەگى جاعدايىن جاقسارتتى. ياعني «بارىس» قازىر 59 ۇپايمەن شىعىس كونفەرەنتسياسىنىڭ 8-ساتىسىندا تۇر. ودان جوعارى ورنالاسقان 2 كوماندانىڭ ۇپاي كورسەتكىشى دە وسىنداي. يۋري ميحايليس باپتايتىن جىگىتتەر ەندى ەرتەڭ «سالاۆات يۋلاەۆ» كومانداسىمەن جولىعادى.
