وقيعا اتىراۋ وبلىسىندا تىركەلگەن. ءبىر توپ ازامات قوعامدىق ورىندا سپيرتتىك ىشىمدىك ءىشىپ, جانجال شىعارعان. ءتارتىپ بۇزۋشىلاردى توقتاتۋ ءۇشىن وقيعا ورنىنا پوليتسيا قىزمەتكەرى شاقىرتىلعان. الايدا قۇقىق بۇزۋشىلار پوليتسيانىڭ زاڭدى تالاپتارىنا باعىنباي, وعان كۇش كورسەتكەن.
جانجال بارىسىندا ولار اعاش زات پەن تاستاردى پايدالانىپ, پوليتسيا قىزمەتكەرىنە اۋىر دەنە جاراقاتىن سالعان, كوزىنە زاقىم كەلىپ, جاعى سىنعان. بۇل – قىزمەتتىك مىندەتىن ورىنداپ جۇرگەن ادامعا جاسالعان اۋىر شابۋىل.
باتىس قازاقستان وبلىسىندا پوليتسياعا باعىنباعان ءبىر توپ ازامات ۇستالدى
سوت باستاپقىدا ايىپتالۋشىلارعا بوستاندىقتى شەكتەۋ تۇرىندەگى جازا تاعايىنداعان. الايدا باس پروكۋراتۋرا بۇل شەشىمدى جاسالعان قىلمىستىڭ اۋىرلىعىنا ساي ەمەس دەپ تاۋىپ, كاسساتسيالىق نارازىلىق ەنگىزدى.
ناتيجەسىندە سوت شەشىمى قايتا قارالىپ, ايىپتالۋشىلارعا ناقتى باس بوستاندىعىنان ايىرۋ جازاسى تاعايىندالدى. بۇل شەشىم قۇقىق قورعاۋ ورگاندارى قىزمەتكەرلەرىنىڭ قاۋىپسىزدىگىن قامتاماسىز ەتۋدىڭ ماڭىزىن ايقىن كورسەتتى.
قوستانايدا پوليتسەيگە شابۋىل جاساعاندار 10-15 جىلعا دەيىن سوتتالۋى مۇمكىن
باس پروكۋراتۋرا اتاپ وتكەندەي, مۇنداي ىستەردە جازانىڭ بۇلتارتپاستىعى ءپرينتسيپى ساقتالۋى ءتيىس. سەبەبى قىزمەتتىك مىندەتىن اتقارىپ جۇرگەن تۇلعالارعا قارسى كۇش قولدانۋ قۇقىقتىق مەملەكەت قاعيداتتارىنا قايشى كەلەدى.
