مينيستر قازاقستان قىتايدى ستراتەگيالىق سەرىكتەس رەتىندە قاراستىراتىنىن جانە ساۋدا, ينۆەستيتسيا جانە ونەركاسىپتىك كووپەراتسيا سالالارىنداعى ىنتىماقتاستىقتى جۇيەلى تۇردە دامىتىپ كەلە جاتقانىن اتاپ ءوتتى.
قازاقستان مەن قىتاي اراسىنداعى قارىم-قاتىناس جان-جاقتى ستراتەگيالىق ارىپتەستىك دەڭگەيىنە كوتەرىلدى. بۇل تاۋار اينالىمىنىڭ تۇراقتى وسىمىمەن, ينۆەستيتسيالىق ىنتىماقتاستىقتىڭ كەڭەيۋىمەن جانە ونەركاسىپتىك كووپەراتسيانىڭ تەرەڭدەۋىمەن ايقىن كورىنەدى.
قازاقستان مەن قىتاي كونتەينەرلىك پويىزدار سانىن ارتتىرۋعا كەلىستى
«قازىر قىتاي – قازاقستاننىڭ ەڭ ءىرى ساۋدا سەرىكتەسى. ال قازاقستان قىتاي ەكونوميكاسى ءۇشىن ەنەرگەتيكالىق رەسۋرستاردىڭ, اۋىل شارۋاشىلىعى ونىمدەرىنىڭ جانە شيكىزاتتىڭ سەنىمدى جەتكىزۋشىسى بولىپ قالا بەرەدى. سوڭعى ءۇش جىلدا ەكىجاقتى تاۋار اينالىمى تۇراقتى ءارى قارقىندى ءوسىم كورسەتىپ كەلەدى: 2023 جىلعى 41 ملرد دوللاردان 2025 جىلى 48,7 ملرد دوللارعا دەيىن ارتتى. بۇل كورسەتكىشتەردىڭ ارتىندا ەكى ەل ەكونوميكاسىنىڭ ءوزارا تولىقتىرۋشى سيپاتى, كاسىپورىنداردىڭ پراگماتيكالىق جۇمىسى, سونداي-اق قىتايدىڭ شاندۋن پروۆينتسياسى سياقتى دامىعان وڭىرلەرىنىڭ قولداۋى تۇر», دەدى مينيستر ارمان شاققاليەۆ.
ورتالىق ازيا ەلدەرىنىڭ قىتاي كاپيتالىنا تاۋەلدىلىگى: قازاقستان ەڭ تومەنگى كورسەتكىشكە يە
ونىڭ ايتۋىنشا, «قىتايعا ەكسپورت» پلاتفورماسى بيزنەسكە تىكەلەي بايلانىس ورناتۋعا جانە شاندۋن پروۆينتسياسى مەن جالپى قىتاي نارىعىنا شىعۋعا ءتيىمدى مۇمكىندىك بەرەدى.
