رەسمي مالىمەتكە سايكەس, بەلسەندى اسا ءىرى كولەمدەگى الاياقتىق جاساعانى ءۇشىن جانە ءبىر توپ ادام بولىپ اعاشتاردى زاڭسىز كەسۋ فاكتىلەرى بويىنشا كۇدىككە ىلىنگەن. قازىرگى ۋاقىتتا ءىس بويىنشا قاجەتتى تەرگەۋ امالدارى جۇرگىزىلىپ جاتىر.
ەرلان وتەگەنوۆتىڭ ايتۋىنشا, كۇدىككە ىلىنگەن زاڭبۇزۋشىلىقتار بوقاەۆ ۇلتتىق كومپانيادا قىزمەت ەتىپ جۇرگەن كەزدە جاسالعان بولۋى مۇمكىن.
«قىلمىستىق ءىس ونىڭ ۇلتتىق كومپانيادا جۇمىس ىستەگەن كەزەڭىنە قاتىستى قوزعالعان. تەرگەۋ اياقتالعان سوڭ تولىق اقپارات بەرىلەدى», دەدى باس پروكۋروردىڭ ورىنباسارى سەناتتاعى بريفينگ بارىسىندا.
اشىق دەرەككوزدەرگە سۇيەنسەك, سانجار بوقاەۆ 2015-2017 جىلدارى «قازترانسگاز» كومپانياسىندا باسقارما توراعاسىنىڭ كەڭەسشىسى قىزمەتىن اتقارعان. بۇدان وزگە ۇلتتىق كومپانيالارداعى قىزمەتى تۋرالى ناقتى مالىمەتتەر قولجەتىمدى ەمەس.
ەسكە سالا كەتەيىك, 18 ناۋرىز كۇنى بەلسەندىنىڭ ۇستالعانى بەلگىلى بولدى. كەيىن سوت كۇدىكتىگە قاتىستى قاماۋعا الۋ تۇرىندەگى بۇلتارتپاۋ شاراسىن سانكتسيالادى.
قۇزىرلى ورگاندار ءىستىڭ بارلىق ءمان-جايى تەرگەۋ اياقتالعان سوڭ تولىق جاريالاناتىنىن مالىمدەدى.
