فوتو: ۇكىمەت
ازەربايجان پرەزيدەنتىمەن وتكەن كەزدەسۋدە ساۋدا-ەكونوميكالىق ىنتىماقتاستىق پەن بىرلەسكەن جوبالاردى جۇزەگە اسىرۋ ماسەلەلەرىنە نازار اۋدارىلدى.
ولجاس بەكتەنوۆ پرەزيدەنت قاسىم-جومارت كەمەل ۇلى توقاەۆتىڭ ىستىق سالەمى مەن شىنايى لەبىزدەرىن جەتكىزدى. ەكى ەل باسشىلارىنىڭ پاراساتتى ءارى سىندارلى ساياساتىنىڭ ارقاسىندا ەكىجاقتى ىنتىماقتاستىق نىعايا تۇسەتىنى اتاپ ءوتىلدى. بۇل تۇرعىدا قازاقستان ۇكىمەتى ونەركاسىپ, كولىك-ترانزيت, اۋىل شارۋاشىلىعى, ەنەرگەتيكا, تسيفرلاندىرۋ جانە جي سياقتى باسقا دا نەگىزگى سالالارداعى ارىپتەستىكتى ودان ءارى تەرەڭدەتۋگە بار كۇش-جىگەرىن سالىپ جاتىر.
تۇركى مەملەكەتتەرى ۇيىمى ۇكىمەتتەرى باسشىلارى مەن ۆيتسە-پرەزيدەنتىنىڭ ەكىنشى كەزدەسۋىنە ازەربايجان رەسپۋبليكاسىنىڭ پرەمەر-ءمينيسترى ءالي اسادوۆ, قىرعىز رەسپۋبليكاسى مينيسترلەر كابينەتىنىڭ توراعاسى – پرەزيدەنتى اكىمشىلىگىنىڭ باسشىسى ادىلبەك كاسىماليەۆ, تۇركيا رەسپۋبليكاسىنىڭ ۆيتسە-پرەزيدەنتى دجەۆدەت يىلماز, وزبەكستان رەسپۋبليكاسىنىڭ پرەمەر-ءمينيسترى ابدۋللا اريپوۆ, تمۇ باس حاتشىسى كۋبانىچبەك ومىراليەۆ, سونداي-اق باقىلاۋشىلار قاتىستى.
ولجاس بەكتەنوۆ ەاەو اۋماعىندا جۇك تاسىمالىن رەتتەيتىن جي پلاتفورماسىن قۇرۋدى ۇسىندى
كەزدەسۋدە تمۇ مەملەكەتتەرى باسشىلارىنىڭ تاپسىرمالارىن ورىنداۋ بارىسى قارالدى. وڭىرلىك جانە جاھاندىق سىن-قاتەرلەر جاعدايىنداعى ءوزارا ءىس-قيمىل, ساۋدا-ەكونوميكالىق جانە ينۆەستيتسيالىق بايلانىستاردى كەڭەيتۋ, كولىك ينفراقۇرىلىمىن دامىتۋ جانە ورتا ءدالىزدىڭ تسيفرلىق ينتەگراتسياسى, ەنەرگەتيكالىق قاۋىپسىزدىكتى نىعايتۋ پەرسپەكتيۆالارى تالقىلاندى.
ءسوز سويلەۋ بارىسىندا پرەمەر-مينيستر ولجاس بەكتەنوۆ ەكونوميكالىق ىنتىماقتاستىقتى نىعايتۋدا جانە بىرلەسكەن كۇش-جىگەردى ۇيلەستىرۋدە تمۇ-نىڭ ءوسىپ كەلە جاتقان ءرولىن اتاپ ءوتتى.
ولجاس بەكتەنوۆ: عىلىمعا ۇزاق مەرزىمدى ينۆەستيتسيا سالۋدى ىنتالاندىرۋ قاجەت
«قازاقستان پرەزيدەنتى قاسىم-جومارت كەمەل ۇلى توقاەۆ اتاپ وتكەندەي, بۇگىندە جاھان جۇرتى ءبىزدى زور سىن-قاتەرلەرگە توتەپ بەرە الاتىن, بەدەلى مىقتى, ىنتىماعى جاراسقان مەملەكەتتەر رەتىندە تانيدى. ۇيىمىنىڭ ىرگەتاسىن قالاۋشىلاردىڭ ءبىرى رەتىندە ءبىز اۋەل باستان تۇركى ينتەگراتسياسىن ۇزاق مەرزىمدى, پراگماتيكالىق ءارى ەكونوميكالىق تۇرعىدان باعدارلانعان ۇدەرىس رەتىندە قاراستىرىپ كەلەمىز. 2025 جىلدىڭ قورىتىندىسى بويىنشا قازاقستاننىڭ تۇركى مەملەكەتتەرى ۇيىمىنا مۇشە ەلدەرمەن ءوزارا ساۋدا كولەمى 12,9 ملرد دوللارعا جەتتى. ءبىز بىرلەستىگىمىزدىڭ بار مۇمكىندىكتەرىن پايدالانا وتىرىپ, ساۋدا-ەكونوميكالىق جانە ينۆەستيتسيالىق قاتىناستاردى ودان ءارى تەرەڭدەتۋگە مۇددەلىمىز», دەدى ولجاس بەكتەنوۆ.
ولجاس بەكتەنوۆ گەولوگيالىق بارلاۋ جۇمىستارىنا وتاندىق تەحنولوگيالاردى قولدانۋدى تاپسىردى
ءوزارا ساۋدا كولەمىن ۇلعايتۋ جانە بيزنەس ءۇشىن تسيفرلىق ورتانى قالىپتاستىرۋ ماقساتىندا قازاقستان بىشكەكتە وتكەن تمۇ-نىڭ XI سامميتىندە قول قويىلعان تسيفرلىق ەكونوميكا سالاسىنداعى ارىپتەستىك تۋرالى كەلىسىمدى (DEPA) راتيفيكاتسيالاۋدى تەزدەتىپ اياقتاۋعا نيەتتى. ءوزارا ءىس-قيمىلدى ودان ءارى تەرەڭدەتۋ ماقساتىندا تۇركى مەملەكەتتەرىنىڭ وڭىرلىك مەترولوگيالىق ۇيىمىن (TURKMET) قۇرۋ جانە ونى تولىق ىسكە قوسۋ جۇمىستارىن اياقتاۋدى جەدەلدەتۋ ۇسىنىلدى.
قازىرگى ۋاقىتتا تۇركىستاندا بيزنەسكە قولداۋ كورسەتۋدىڭ ناقتى قادامى رەتىندە «تۇران» ارنايى ەكونوميكالىق ايماعى قۇرىلعان. قازاقستان وسى ايماقتا ونىڭ ىشىندە تۇركى مەملەكەتتەرى ۇيىمىنا مۇشە ەلدەر سەرىكتەستەرىنىڭ قاتىسۋىمەن جاڭا بىرلەسكەن وندىرىستەردى قۇرۋعا جانە تەحنولوگيالىق كلاستەرلەردى دامىتۋعا دايىن ەكەنىن راستادى.
كولىك-ترانزيت سالاسىنداعى ىنتىماقتاستىق ماسەلەسىنە ەرەكشە نازار اۋدارىلدى. ورتا ءدالىزدىڭ مارتەبەسىن نىعايتۋ ماقساتىندا بيىل قازاقستان مەن ازەربايجان اراسىندا ۇكىمەتارالىق كەلىسىمگە قول قويۋ جوسپارلانۋدا. ولجاس بەكتەنوۆ زانگەزۋر ءدالىزىنىڭ اشىلۋىن ەسكەرە وتىرىپ, ترانسكاسپي حالىقارالىق كولىك باعىتىن ودان ءارى دامىتۋ قاجەتتىگىن اتاپ ءوتتى. قاسىم-جومارت توقاەۆ ۇسىنعان تمۇ تسيفرلىق مونيتورينگ ورتالىعى ورتا ءدالىزدى دامىتۋعا قوسىمشا سەرپىن بەرە الادى. وسىعان وراي, بۇل باستامانى تەزىرەك جۇزەگە اسىرۋ ءۇشىن ارنايى جۇمىس توبىن شۇعىل تۇردە قۇرۋدى ۇسىنىلدى.
ولجاس بەكتەنوۆ وزىق ەكولوگيالىق شەشىمدەر مەن ترانسشەكارالىق ەنەرگەتيكالىق ينفراقۇرىلىمدى نىعايتۋ اسا قاجەت ەكەنىن اتاپ ءوتتى. قازىرگى ۋاقىتتا قازاقستان ۇكىمەتى مەملەكەت باسشىسىنىڭ تاپسىرماسى بويىنشا ەنەرگيا تيىمدىلىگى جونىندەگى وزىق تاجىريبەلەر كەڭەسىن قۇرۋدى جانە ورتالىق ازيادا سۋ رەسۋرستارىن ءتيىمدى پايدالانۋ بويىنشا بىرلەسكەن باعدارلامانى ازىرلەۋ جۇمىستارىن اياقتاپ كەلەدى.
سونىمەن قاتار قازاقستان بىرىككەن ۇلتتار ۇيىمىنىڭ ازيا جانە تىنىق مۇحيتى ايماعىنا ارنالعان ەكونوميكالىق جانە الەۋمەتتىك كوميسسياسى (ازتمەاك) اياسىندا تسيفرلىق شەشىمدەر ورتالىعىن قۇرۋ جونىندە باستاما كوتەرۋدە.
كەزدەسۋ قورىتىندىسى بويىنشا قاتىسۋشىلار بىرلەسكەن مالىمدەمە قابىلدادى. قۇجاتتا ازەربايجاننىڭ تۇركى مەملەكەتتەرى ۇيىمى اياسىنداعى توراعالىعىنا جانە باسىم باعىتتار بويىنشا پراكتيكالىق ىنتىماقتاستىقتى دامىتۋعا باعىتتالعان كۇش-جىگەرىنە قولداۋ كورسەتىلەتىنى راستالدى.
