فوتو: Pexels.com
كۇن استرونومياسى زەرتحاناسىنىڭ مالىمەتىنشە, جەرگە اسەر ەتىپ جاتقان نەگىزگى فاكتور – كۇن تاجىندەگى پلازمانىڭ تىعىزدىعى مەن تەمپەراتۋراسى تومەن ايماق, ياعني كورونالدىق تەسىك. سونىڭ سالدارىنان جاقىن ارادا ماگنيتتىك داۋىلدىڭ G1-G2 دەڭگەيى (بەس بالدىق شكالا بويىنشا) كۇتىلىپ وتىر.
استرونومدار كۇندەگى بەلسەندىلىك قالىپتى دەڭگەيدە بولعانىمەن, ونىڭ قاۋىپتى ايماققا جاقىن ورنالاسقانىن ايتادى.
«كۇن ديسكىسىنىڭ ورتالىق بولىگىنە ءىرى داقتار توبى شىعىپ كەلەدى. ءدال وسى ايماق ناۋرىز ايىنىڭ سوڭىندا سوڭعى ەكى ايداعى جالعىز X دەڭگەيلى جارقىلدى تۋدىرعان ەدى. مۇنداي جاعدايدا پلازما بۇلتتارى جەرگە تىكەلەي باعىتتالۋى مۇمكىن, سونىڭ سالدارىنان رادياتسيالىق داۋىل قاۋپى جوعارىلايدى», دەيدى ماماندار.
عالىمداردىڭ بولجامىنشا, كورونالدىق تەسىكتىڭ اسەرى 2-3 ءساۋىر كۇندەرى ايقىن سەزىلەدى.
ادەتتە G1-G2 دەڭگەيىندەگى ءالسىز ماگنيتتىك داۋىلدار ايتارلىقتاي قاۋىپ تۋدىرمايدى. دەگەنمەن, كەيبىر جاعدايلاردا:
– ەنەرگەتيكالىق جۇيەلەردە بولماشى اۋىتقۋلار بايقالۋى مۇمكىن;
– راديوبايلانىستا ءالسىز كەدەرگىلەر تۋىنداۋى ىقتيمال;
– ماگنيت ورىسىنە تاۋەلدى جانۋارلاردىڭ كوشۋ باعىتىندا وزگەرىستەر بولۋى مۇمكىن.
كۇن بەتىندە الاپات جارىلىس تۋدىرا الاتىن ەنەرگيا جيناقتالىپ جاتقان بولۋى مۇمكىن
سونىمەن قاتار, سەزىمتال ادامداردا جەڭىل السىزدىك نەمەسە باس اۋرۋى بايقالۋى ىقتيمال.
ال ەگەر گەوماگنيتتىك بەلسەندىلىك G3 جانە ودان جوعارى دەڭگەيگە جەتسە, وندا:
– سپۋتنيكتىك جۇيەلەر مەن GPS جۇمىسىنا اسەر ەتۋى مۇمكىن;
– بايلانىس جۇيەلەرىندە ىركىلىستەر بولۋى ىقتيمال;
– پوليارلىق شۇعىلا بۇرىنعىداي وڭتۇستىك ەندىكتەردە كورىنۋى مۇمكىن.
ماماندار جاعدايدى باقىلاۋدا ۇستاپ وتىر جانە قاجەت بولعان جاعدايدا قوسىمشا اقپارات بەرىلەتىنىن حابارلادى.
