فوتو: دەنساۋلىق ساقتاۋ مينيسترلىگى
جىل سايىن 2 ساۋىردە الەمدە اۋتيستىك سپەكتردەگى بۇزىلىستار تۋرالى اقپاراتتى تاراتۋ كۇنى اتاپ وتىلەدى. بۇل كۇننىڭ ماقساتى – قوعامنىڭ حاباردارلىعىن ارتتىرۋ, ەرەكشە قاجەتتىلىگى بار بالالاردى قابىلداۋ مادەنيەتىن قالىپتاستىرۋ جانە ولاردىڭ وتباسىلارىنا قولداۋ كورسەتۋ.
دەنساۋلىق ساقتاۋ مينيسترلىگىنىڭ مالىمەتىنشە, اۋتيزم – ءومىر بويى ساقتالاتىن جانە دەنساۋلىق ساقتاۋ مەن الەۋمەتتىك ساياساتتا وزەكتى ماسەلە. دۇنيەجۇزىلىك دەنساۋلىق ساقتاۋ ۇيىمى باعالاۋىنشا, الەمدە ءاربىر 100 بالانىڭ شامامەن 1-ىندە اسب دياگنوزى كەزدەسەدى.
قازاقستاندا دا بۇل باعىتتا ستاتيستيكا ارتىپ وتىر. 2026 جىلى ديناميكالىق باقىلاۋدا اۋتيستىك سپەكتردەگى بۇزىلىستارى بار 17 196 بالا تىركەلگەن. ماماندار مۇنى دياگنوستيكانىڭ جاقسارۋىمەن, ەرتە انىقتاۋ باعدارلامالارىنىڭ كەڭەيۋىمەن جانە مەديتسينالىق كومەكتىڭ قولجەتىمدىلىگىنىڭ ارتۋىمەن بايلانىستىرادى.
ەلىمىزدە اسب بار بالالارعا ارنالعان بىرىڭعاي كومەك كورسەتۋ مارشرۋتى قالىپتاستىرىلعان. ول 16 ايدان 30 ايعا دەيىنگى بالالاردا ەرتە سكرينينگتەن باستاپ, كەشەندى مەديتسينالىق, وڭالتۋ, ءبىلىم بەرۋ جانە الەۋمەتتىك بەيىمدەۋ شارالارىن قامتيدى.
دياگنوستيكا پروتسەسىندە M-CHAT-R سكرينينگ ءادىسى قولدانىلادى. قازاقستاندا اسب دياگنوزى 3 جاستان باستاپ تەك پسيحياتر دارىگەردىڭ قورىتىندىسىمەن قويىلادى. ەگەر ايقىن بەلگىلەر انىقتالسا, پسيحيكالىق دەنساۋلىق ورتالىقتارىندا مامانداندىرىلعان مەديتسينالىق كومەك كورسەتىلەدى.
اسب كەزىندە تۇزەتۋ كومەگى بالانىڭ مىنەز-قۇلقىن جاقسارتۋعا, سيمپتومداردى ازايتۋعا جانە ءومىر ساپاسىن ارتتىرۋعا باعىتتالعان. الەمدىك تاجىريبەدە نەگىزگى ەمدەۋ ءتاسىلى رەتىندە پسيحولوگيالىق-پەداگوگيكالىق جانە مىنەز-ق ۇلىقتىق تەراپيا كەڭىنەن قولدانىلادى.
«سامۇرىق-قازىنا» قولداۋىمەن ءاۋتيزمى بار بالالار ۆەلوسپورتپەن اينالىسادى
قازاقستاندا وڭالتۋ قىزمەتتەرى دە كەڭەيتىلگەن. قازىرگى ۋاقىتتا 80 وڭالتۋ ورتالىعى جۇمىس ىستەيدى, ونىڭ ىشىندە 20-سى – ەرتە ارالاسۋ ورتالىعى. سونىمەن قاتار الەۋمەتتىك جۇيەدە 8 كۇندىزگى بولۋ ورتالىعى, ال ءبىلىم بەرۋ سالاسىندا 11 تۇزەتۋ ورتالىعى اسب بار بالالارعا قىزمەت كورسەتەدى.
مامانداردىڭ ايتۋىنشا, قازىرگى باستى باسىمدىق – ءار بالانىڭ جەكە قاجەتتىلىكتەرىن ەسكەرۋ, مەديتسينالىق كومەكتىڭ ساپاسى مەن قولجەتىمدىلىگىن ارتتىرۋ جانە ەرتە دياگنوستيكا جۇيەسىن ودان ءارى دامىتۋ.
«جۇمىس ىزدەۋگە كەتكەن». ورالدا اۋتيزمگە شالدىققان جىگىت تابىلدى
