قارجى • 28 قاڭتار، 2021

موراتوريگە وزگەرىس ەنگىزۋگە قارسى

69 رەت كورسەتىلدى

قازاقستاندا 2020 جىلدان باستاپ شاعىن بيزنەس سۋبەكتىلەرىن تەكسەرۋگە ءۇش جىلدىق موراتوري ەنگىزىلگەنى بەلگىلى. الايدا قارجى مينيسترلىگى سالىقتىق تەكسەرۋلەر بويىنشا ەرەكشە جاعدايلار ءتىزىمىن كەڭەيتۋدى ۇسىنىپ وتىر.

اتالعان ماسەلەگە قاتىستى قازاقستان كاسىپكەرلەرىنىڭ قۇقىقتارىن قورعاۋ جونىندەگى ۋاكىل – بيزنەس-ومبۋدسمەن رۋستام ءجۇرسىنوۆ پىكىر ءبىلدىردى.

– سالىقتىق تەكسەرۋلەر ءۇشىن قوسىمشا ەرەكشە جاع­داي­لاردى ەنگىزۋ شاعىن بيزنەس سۋبەكتىلەرىنە تۇسەتىن جۇك­­تەمەنىڭ ءبىرشاما ارتۋىنا الىپ كەلەدى. مۇنداي ۇستانىم مەم­لەكەت باسشىسىنىڭ تەكسە­رۋگە موراتوري ەنگىزۋ تۋرا­لى تاپسىرماسىنا قايشى. مورا­تو­ريدە ەرەكشە جاعدايلار بولماۋى كەرەك. ال ەرەكشە جاع­دايلار ەنگىزىلەتىن بولسا، بيزنەس ءموراتوريدى دە، با­قى­لاۋدىڭ بوساڭداعانىن دا سەزىن­بەيدى، – دەدى ر.ءجۇرسىنوۆ.

قارجى مينيسترلىگىنىڭ ما­لىمەتىنشە، 2019 جىلمەن سالىس­تىرعاندا بىلتىر كاسىپ­كەر­لەردىڭ 60 پايىزى كىرىس دەڭگەيىن ايقىن تومەندەتكەن. بيزنەس-ومبۋدسمەننىڭ بۇعان قاتىستى ايتار ءۋاجى بار.

– ەلدىڭ اۋماعىندا توتەنشە جاعداي رەجىمىنىڭ جاريالانۋىنا بايلانىستى 2020 جىلعى 16 ناۋرىز – 15 ءساۋىر ارالىعىندا ءىس جۇزىندە بارلىق بيزنەس سۋبەك­تىلەرى قىزمەتىن تولىق توق­تاتتى. سونىڭ سالدارىنان تابىس تا تومەندەدى. وسىدان كەيىن كوپتەگەن كاسىپكەرلەر جۇ­مى­سىن توقتاتۋعا ءماجبۇر بول­دى. ولاردىڭ جۇمىس ۋاقىتى شەكتەلدى، كەلۋشىلەر سانىنا شەكتەۋ قويىلدى، سونىمەن قاتار كارانتيندىك شارالاردى ساقتاۋ ءۇشىن قوسىمشا شىعىنعا باتتى. ءتىپتى كاسىپكەرلەردىڭ ءبىر بو­­لىگى جۇمىسىن ءالى كۇنگە باس­تاي الماي وتىر. كاسىپكەرلىك قىز­­­­مەتتەن تۇسەتىن كىرىستىڭ ازايۋى حالىقتىڭ ساتىپ الۋ قا­­­بىلەتىنىڭ تومەندەۋىمەن دە باي­لا­نىستى. وسىنىڭ ءبارى كا­سىپ­­كەرلەردىڭ تابىس دەڭگە­يىنىڭ تو­مەن­دەۋىنە كەرى اسەر ەتتى. ولار تابىسىن جاسىرىپ وتىر­عان جوق، – دەدى بيزنەس-ومبۋدسمەن.

ر.ءجۇرسىنوۆ قارجى مينيس­تر­ل­ىگىنە ەسكەرتۋلەر جىبەرىل­گە­نى­مەن، ولاردىڭ قاپەرگە الىن­­با­عا­نىن جەتكىزدى. ەندى پرەزيدەنت اكىمشىلىگىنە ءوتىنىش جولداماق نيەتتە.

 

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

ۇقساس جاڭالىقتار