ەلوردادا مەكتەپ وقۋشىلارى روبوتوتەحنيكامەن اينالىسادى

ايماقتار • 27 قاڭتار، 2021

ەلوردادا مەكتەپ وقۋشىلارى روبوتوتەحنيكامەن اينالىسادى

3 رەت كورسەتىلدى

نۇر-سۇلتان قالاسىنىڭ №89 جاڭا مەكتەپ-ليتسەيىنىڭ وقۋشىلارى روبوتوتەحنيكا، 3D-مودەلدەۋ، 3D-انيماتسيا، ۆەب-ديزاين، قۇراستىرۋ جانە اۆتوماتتاندىرۋ سالالارىندا جوبالار جاساي الادى. بۇل تۋرالى وقۋ ورنىنىڭ ديرەكتورى بەيىمبەت مۇحامەديەۆ مالىمدەدى، دەپ حابارلايدى اكىمدىكتىڭ رەسمي سايتى.

اقمارال اعزامقىزى

ء"بىزدىڭ مەكتەپ Global School جوباسىن ىسكە اسىرۋ ارقىلى تەحنولوگيالىق جانە ينجەنەرلىك ماماندىقتار بويىنشا ەرتە كاسىپتىك باعدار بەرۋگە باسا نازار اۋدارادى. Global School - وقۋشىلاردىڭ ءوز جوبالارىن ىسكە اسىرۋعا ارنالعان وزىندىك حاب. مەكتەپ IT جانە STEM-زەرتحانالارمەن جابدىقتالعان، بۇل بالاعا ءوز ءبىلىمىن قولدانۋعا مۇمكىندىك بەرەدى. سونداي-اق، مەكتەپ قاشىقتان وقىتۋعا ارنالعان كوپفۋنكتسيونالدى ونلاين-ستۋديامەن جابدىقتالعان، وندا مۇعالىمدەر ونلاين ساباقتار، ۆەبينارلار جانە تىكەلەي ەفيرلەر وتكىزە الادى. بەلىگىلى ءبىر كولەمدە قاشىقتان وقىتۋ جۇرگىزىلەتىنىن ەسكەرسەك، مۇنداي ستۋديا قازىر وتە قاجەت"، – دەپ اتاپ ءوتتى №89 مەكتەپ-ليتسەيىنىڭ ديرەكتورى بەيىمبەت مۇحامەديەۆ.

سونداي-اق، مەكتەپ ينكليۋزيا كابينەتىمەن جابدىقتالعان، وندا بالالارعا كۇندەلىكتى قاجەتتى جەكە قولداۋ كورسەتىلەدى.

ەلوردا اكىمدىگى ەرەكشە قاجەتتىلىگى بار بالالارعا جاعداي جاساۋعا ايرىقشا كوڭىل بولەدى. جاڭا كوپپاتەرلى تۇرعىن ءۇي كەشەندەرىنىڭ ءبىرىنشى قاباتتارىندا شاعىن ورتالىقتار، وڭالتۋ ورتالىقتارى اشىلادى، ال يپپودروم بازاسىندا بالالار يپپوتەراپيامەن اينالىسا الاتىن جابىق مانەج قۇرىلىسى جۇرگىزىلۋدە. سونداي-اق، ينۆاتاكسي سانى ەكى ەسە ارتتى. بۇل باعىتتاعى جۇمىستار تۇراقتى نەگىزدە جۇرگىزىلەتىنىن اتاپ ءوتۋ ماڭىزدى.

№85 مەكتەپ-ليتسەيدىڭ اۋقىمى 1 200 وقۋشىنى (ەكى اۋىسىمدا 2 400 وقۋشى) قامتي الادى. ول №85 مەكتەپتىڭ ءۇش اۋىسىمدىق وقىتۋ ماسەلەلەرىن، №76 جانە №75 مەكتەپتەردىڭ تىعىزدىعىن جەڭىلدەتەدى.

ەستەرىڭىزگە سالا كەتەيىك، 2020 جىلى نۇر-سۇلتاندا 12 مەكتەپ پايدالانۋعا بەرىلدى. بۇل 2019 جىلمەن سالىستىرعاندا ەكى ەسە كوپ.

2021 جىلى 2020 جىلمەن سالىستىرعاندا ەكى ەسە كوپ وقۋشى ورنى قۇرىلادى، بۇل 2019 جىلمەن سالىستىرعاندا 4 ەسە كوپ.

سونىمەن قاتار، ءۇش اۋىسىمدا وقىتاتىن مەكتەپتەر سانى 8-دەن 4-كە دەيىن، ال وقۋشى سانى تىم كوپ مەكتەپتەر 22-دەن 14-كە دەيىن قىسقاردى.

كەشەندى جوسپار اياسىندا 5 جىلدىق كەزەڭگە 50-گە جۋىق مەملەكەتتىك مەكتەپ سالۋ جوسپارلانعان. سونداي-اق، مەملەكەت باسشىسى بارعان №23 ورتا مەكتەپتىڭ ء(وندىرىس تۇرعىن الابى) اۋماعىندا بەس قاباتتى مەكتەپتىڭ قۇرىلىسى جۇرگىزىلىپ جاتىر. سونىمەن قاتار مەكتەپتەر سالۋعا جەكەلەگەن ينۆەستيتسيا دا تارتىلىپ جاتىر.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز