پرەزيدەنت • 26 قاڭتار، 2021

پرەزيدەنت ۆاكتسيناتسيا ماسەلەسىنە قاتىستى تاپسىرما بەردى

317 رەت كورسەتىلدى

قازاقستان پرەزيدەنتى قاسىم-جومارت توقاەۆ دەنساۋلىق ساقتاۋ ءمينيسترى مەن ءوڭىر اكىمدەرىنە حالىقتى جاپپاي ۆاكتسينالاۋ ماسەلەسىن باستى نازاردا ۇستاۋدى تاپسىردى، دەپ حابارلايدى Egemen.kz 

«بۇل ماسەلە بويىنشا تەك دەنساۋلىق ساقتاۋ ءمينيسترى عانا ەمەس، اكىمدەردىڭ ءبارى مىنا جايدى ەسكەرۋى كەرەك: جالپىعا ورتاق ۆاكتسيناتسيا – وتە ماڭىزدى ماسەلە. بىزگە ازاماتتاردى ۆاكتسيناتسيادان وتكىزۋدە وتە سالماقتى، ويلاستىرىلعان، قىر-سىرى ەسكەرىلگەن جوسپار كەرەك. دۇربەلەڭ بولماس ءۇشىن ول سالادا ەسكەرەتىن وتە كوپ نيۋانس بار. ۆاكتسيناتسيا ەپيدەميالىق احۋالدى تۇزەۋى كەرەك. الدا جۇمىس كوپ»، دەپ اتاپ ءوتتى قاسىم-جومارت توقاەۆ.

ايتا كەتەيىك، مەملەكەت باسشىسى قاسىم-جومارت توقاەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى وتۋدە. ونلاين فورماتتاعى جيىندا ەلدىڭ الەۋمەتتىك-ەكونوميكالىق دامۋىنىڭ 2020 جىلعى قورىتىندىلارى مەن الداعى جوسپارى پىسىقتالىپ جاتىر.

سوڭعى جاڭالىقتار

ۇقساس جاڭالىقتار