جەر جاھاندى جايلاعان پاندەمياعا بايلانىستى ايتۋلى جارىس كورەرمەنسىز وتەدى. «بۇعان دەيىن ءبىز ءبىراز بيلەت ساتىپ ۇلگەرگەن ەدىك. الداعى ۋاقىتتا دا قاتارىمىز تاعى دا تولىعا تۇسەتىنىنە كۇمانىمىز بولمادى. سەبەبى, سوڭعى كەزدەرى شاڭعى سپورتىنا دەگەن قىزىعۋشىلىق كۇرت ارتىپ كەلەدى. الايدا پاندەميانىڭ قايتا ءورشۋى بارلىق جوسپارىمىزدىڭ بىت-شىتىن شىعاردى. امال جوق, بارشاعا ورتاق تالاپقا كونۋگە تۋرا كەلەدى. ەندى ساتىلعان بيلەتتەردىڭ اقشاسىن ءوز يەلەرىنە قايتارامىز», دەيدى ۇيىمداستىرۋشىلار.
ەستەرىڭىزگە سالا كەتەيىك, وسىنىڭ الدىنداعى الەم چەمپيوناتى 2019 جىلى اۋستريانىڭ زەفەلد قالاسىندا ءوتىپ, جالپى كوماندالىق سايىس نورۆەگيا قۇراماسىنىڭ ايقىن جەڭىسىمەن اياقتالدى. سكانديناۆيا تۇبەگىنىڭ تۇلەكتەرى 13 التىن, 5 كۇمىس جانە 7 قولا مەدالدى يەلەندى. ەكىنشى جانە ءۇشىنشى ورىندارعا گەرمانيا (6 التىن+3 كۇمىس) مەن شۆەتسيا (2 التىن+2كۇمىس+1 قولا) جايعاسقان ەدى.
