تاراز قالاسىندا كەنەن ازىرباەۆ اتىنداعى «شىرقا, داۋسىم!» دەپ اتالاتىن ءVىى رەسپۋبليكالىق كونكۋرس بولىپ ءوتتى.
تاراز قالاسىندا كەنەن ازىرباەۆ اتىنداعى «شىرقا, داۋسىم!» دەپ اتالاتىن ءVىى رەسپۋبليكالىق كونكۋرس بولىپ ءوتتى.وعان كونكۋرس يەلەرى – جامبىلدىق تالانتتاردى ايتپاعاندا, وڭتۇستىك قازاقستان, الماتى وبلىستارىمەن بىرگە استانا جانە الماتى قالالارىنان كەلگەن 18-35 جاس ارالىعىنداعى 28 ءانشى قاتىستى.
كۇمىس كومەي انشىلەردىڭ ونەرى سىنعا تۇسكەن كونكۋرس قورىتىندىسى بويىنشا باس جۇلدەگە تىگىلگەن 500 مىڭ تەڭگەنى الماتىلىق تالانتتى ءانشى اراي اسقاپ جەڭىپ الدى. اتا-باباسىنىڭ كىندىك قانى تامعان قازاق جەرىنە قىتاي ەلىنەن ساعىنىشپەن كەلگەن ارۋ قىزدىڭ بۇل جەڭىسىن ءان باسەكەسىندەگى العاشقى تابىسى دەپ باعالاۋعا بولادى. ءبىرىنشى ورىنعا بەرىلەتىن 200 مىڭ تەڭگەنى تارازدىق ءانشى ەرلان يبادىلداەۆ پەن تالدىقورعان قالاسىنان كەلگەن جەز تاڭداي راۋان ابىلباەۆ يەلەندى. ەكىنشى ورىننىڭ ەنشىسىندەگى 150 مىڭ تەڭگەنى جامبىل وبلىسىنىڭ دارىندى ۇلى كامال نارباتىروۆ پەن الماتى وبلىسىنىڭ وزىندىك ورنەگى بار ونەرپازى ءورازالى جاڭاباەۆ الدى. ءۇشىنشى ورىنعا تيەسىلى 100 مىڭ تەڭگە استانالىق ءانشى ءنازيرا بەيسەنوۆا مەن وڭتۇستىك قازاقستان وبلىسىنىڭ تۇلەگى ەرعالي اعايداروۆقا بۇيىردى.
كوسەمالى ساتتىباي ۇلى,
«ەگەمەن قازاقستان».
تاراز.
