ەلوردا • 20 قاڭتار، 2021

ەلوردالىق جىگىت كوپىردەن سەكىرىپ ولمەك بولعان

383 رەت كورسەتىلدى

نۇر-سۇلتان پوليتسەيلەرى كوپىردەن سەكىرمەك بولعان ەر ادامدى قۇتقارىپ قالدى، دەپ حابارلايدى Egemen.kz ەلوردالىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.

كەشە كەشكى 19:15 كەزىندە نۇر-سۇلتان قالاسىنىڭ جەدەل باسقارۋ ورتالىعىنا كولىككە جانارماي قۇيۋ ستانساسىنىڭ قاسىنداعى كوپىردەن ەر ادامنىڭ سەكىرۋگە ارەكەتتەنىپ تۇرعانى تۋرالى حابارلاما كەلىپ تۇسكەن. پاترۋلدىك پوليتسيانىڭ ەكى ەكيپاجى وقيعا ورنىنا ءۇش مينۋتتا كەلىپ جەتتى. جاس جىگىت كوپىر تايانىشىن ۇستاپ، تەمىر جولعا سەكىرۋگە دايىندالىپ تۇردى. جاعدايدى باعالاعان پوليتسەيلەر جىگىتپەن الىستان سويلەسىپ، كوڭىلىن باسقاعا اۋدارماق بولدى. وسى ۋاقىتتا پاترۋلدىك پوليتسيا قىزمەتكەرى جاندوس تۇراشەۆ وڭتايلى ءساتتى پايدالانىپ، جىگىتكە جاقىنىراق كەلىپ، ونى قاتتى قاپسىرىپ ۇستاپ الدى. جاس جىگىت قارسىلىق تانىتىپ، باستاعان ءىسىن اياقتاماق بولعان. پوليتسەيلەردىڭ جەدەل ءارى رەتكە كەلتىرىلگەن ءىس-ارەكەتىنىڭ ارقاسىندا ەر ادامنىڭ ءومىرى امان قالدى. ەلوردانىڭ 26 جاستاعى تۇرعىنى قالالىق اۋرۋحاناعا جەتكىزىلدى، مۇندا وعان مەديتسينالىق جانە پسيحولوگيالىق كومەك كورسەتىلدى.

 

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار