قوعام • 20 قاڭتار، 2021

اقتاۋدا 30 جىلدان بەرى العاش رەت تورتەم دۇنيەگە كەلدى

252 رەت كورسەتىلدى

ماڭعىستاۋ وبلىسىنىڭ قوعامدىق كوممۋنيكاتسيا ورتالىعىنىڭ ءباسپاسوز قىزمەتى اقتاۋ قالاسىنداعى انا مەن بالا ورتالىعىنىڭ ۇجىمى تورتەم مەن ونىڭ اناسىن سالتاناتتى تۇردە ۇيىنە شىعارىپ سالعانىن ءمالىم ەتتى، دەپ حابارلايدى Egemen.kz

اقتاۋ قالاسىنىڭ تۇرعىنى ساميرا گاسانوۆا 2020 جىلدىڭ 15 جەلتوقسانىندا بوسانعان ەدى. جۇكتىلىك كەزەڭى اۋىر بولعاندىقتان دارىگەرلەر ايەلدى جۇكتىلىكتىڭ 30-شى اپتاسىندا وپەراتسيا جاساپ، بوساندىرىپ العان. 25 جاستاعى ايەل 1 ۇل مەن 3 قىزدى دۇنيەگە اكەلدى. سابيلەر – وتباسىنىڭ تۇڭعىشتارى ەكەن.

«قۋانىشىمدى جاسىرا الماي تۇرمىن. اتا-انامىزدىڭ توبەسى كوككە جەتكەندەي بولدى. بالالارىمنىڭ امان-ەسەن جارىق دۇنيەگە كەلۋىنە سەبەپشى بولعان دارىگەرلەرگە وتباسىمنىڭ اتىنان العىسىمدى ايتامىن»، دەيدى ساميرا گاسانوۆا.

دارىگەرلەردىڭ ايتۋىنشا، تورتەمدەردىڭ ءبىرى – 1 كەلى 390 گر بولسا، ەڭ كىشىسىنىڭ سالماعى – 1 كەلى 190 گر. شاقالاقتار كۇش جيناعانشا 36 كۇن بويى پەريناتالدىق ورتالىق دارىگەرلەرىنىڭ ءجىتى باقىلاۋىندا بولعان.

اتا-اناسى نارەستەلەردى راسۋل، فانارا، ايلا جانە نارين دەپ اتادى.

ماڭعىستاۋ وبلىستىق انا پەريناتالدىق ورتالىعىنىڭ دارىگەر نەانوتولوگى تويدىق جۇماعامبەتوۆا: «بىلتىر ءبىزدىڭ ورتالىقتا 8610 بالا جارىق دۇنيە ەسىگىن اشتى. ونىڭ ىشىندە 2 ۇشەم مەن 147 ەگىز بالا دۇنيەگە كەلگەن»، دەدى ول.

ماڭعىستاۋ وبلىسى بالا تۋ كورسەتكىشىنەن رەسپۋبليكا بويىنشا سوڭعى 3 جىل بويى كوش باسىندا كەلەدى. بىلتىر ايماقتا 21753 ءسابي دۇنيە ەسىگىن اشقان.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار