ايماقتار • 19 قاڭتار، 2021

كارانتين كەزىندە مۇعالىمدەردەن پارا الىپ جۇرگەن ديرەكتور قامالدى

28 رەت كورسەتىلدى

شىمكەنتتە كارانتين كەزىندە مۇعالىمدەردەن جۇيەلى تۇردە پارا العان مەكتەپ ديرەكتورى سەگىز جىلعا باس بوستاندىعىنان ايىرىلدى. سوت وتىرىسىندا №34 مەكتەپتىڭ بۇرىنعى باسشىسى قىلمىستىق كودەكستىڭ ءۇش بابى بويىنشا كىنالى دەپ تانىلعان، دەپ حابارلايدى Egemen.kz

اتاپ ايتقاندا، بىرنەشە رەت سەنىپ تاپسىرىلعان م ۇلىكتى ىسىراپ ەتكەن جانە تالان-تاراجعا سالعان. سونداي-اق، الاياقتىق جولمەن مۇعالىمدەردىڭ قوسىمشا ايلىعىن وزىنە يەمدەنگەن.

ءتىپتى از قامتىلعان وتباسى بالالارىنا ىستىق تاماققا بولىنگەن اقشانى دا ءوز پايداسىنا جاراتىپ كەلگەنى دالەلدەنگەن. دەسە دە، تەرگەۋ كەزىندە ايىپتالۋشى ءوز كىناسىن مويىندامادى. ۇكىم وقىلعاننان كەيىن ول سوت زالىندا قاماۋعا الىندى. «بۇل قىلمىستىڭ بارلىعى كارانتين كەزىندە ورىن العان. 2020 جىلدىڭ ناۋرىز-مامىر ايلارى ارالىعىندا.

ياعني ول مۇعالىمدەردى اقىسىز ەڭبەك دەمالىسىنا شىعارماس ءۇشىن، جۇمىستا قالدىرۋ ءۇشىن ولاردان پارا تالاپ ەتكەن. پارانى قورقىتىپ الىپ وتىرعان. سوت جازا تاعايىنداۋ بارىسىندا ايىپتالۋشى قالتاەۆانىڭ جاساعان قىلمىسىنىڭ اۋىرلىعىن سەزىنبەگەنىن، ءوز كىناسىن مويىنداماعانىن، ءىس بويىنشا اۋىرلاتاتىن ءمان-جايدىڭ بار ەكەنىن، ال جەڭىلدەتەتىن ءمان-جايدىڭ جوق ەكەنىن ەسكەردى.

ونىڭ تاراپىنان سىبايلاس جەمقورلىقتىڭ جۇيەلى تۇردە ورىن العانىن ەسكەرە وتىرىپ، تەك قانا باس بوستاندىعىنان ايىرعاندا عانا بۇل جازا ماقساتىنا جەتەدى دەگەن قورىتىندىعا كەلدىك. سوتتالۋشى جازاسىن قىلمىستىق-اتقارۋ جۇيەسىنىڭ قاۋىپسىزدىگى ورتاشا تۇزەۋ مەكەمەسىندە وتەيدى»،- دەدى ۇكىمدى وقىعان سۋديا اينەل وراقباەۆا.

 

سوڭعى جاڭالىقتار

ۇقساس جاڭالىقتار