ايماقتار • 19 قاڭتار، 2021

وڭداسىن ورازالين: Covid-19 قاۋپى ءالى سەيىلگەن جوق

30 رەت كورسەتىلدى

اقتوبە وبلىسىنىڭ اكىمى وڭداسىن ءورازاليننىڭ توراعالىعىمەن وتكەن اپپارات جيىنىندا سانيتارلىق-ەپيدەميالىق جاعداي سۇراقتارى قارالدى. جيىنعا وبلىس اكىمىنىڭ ورىنباسارلارى، باسقارما باسشىلارى جانە اقتوبە قالاسى مەن اۋدان اكىمدەرى بەينە بايلانىس ارقىلى قاتىستى، دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

وبلىس اكىمىنىڭ ءبىرىنشى ورىنباسارى نۇرجاۋعان قالاۋوۆ وڭىردەگى ەپيدەميولوگيالىق جاعدايدىڭ تۇراقتى ەكەنىن جەتكىزدى. ونىڭ سوزىنشە 6 قازاننان باستاپ «جايساڭ» جانە «الىمبەت» كولىك بەكەتتەرى، اۋە قاتىناسى ارقىلى 65 مىڭنان استام ادام كەلىپ، ولاردىڭ 5892-سىندە پتر تەستىنىڭ ناتيجەسى بولماي، كارانتيندىك ستاتسيونارلاعا جاتقىزىلعان. 47 ادامنان كوروناۆيرۋس ىندەتى انىقتالعان.
 
كۆي-ءدىڭ بولۋى مۇمكىن ەكىنشى تولقىنىنا دايىندالۋ ماقساتىندا وڭىردە بارلىق شارالار قابىلداندى. قاجەت بولعان جاعدايدا كەرەۋەت ورنى 445-تەن 3603-كە دەيىن ارتاتىن بولادى، 2895 ورىن نەمەسە 80،3%-ى وتتەگىمەن قامتىلعان. مەديتسينالىق مەكەمەلەردە 21 ستاتسيونارلىق رەنتگەن اپپاراتى ورناتىلىپ، وكپەنى جاساندى جەلدەتەتىن 367 اپپارات، 582 وتتەگى كونتسەنتراتى، 626 وتتەگى باللوندارى، 787 بوبروۆ اپپاراتى مەن 461 وتتەگى جاستىقتارى بار. جەدەل جاردەم بەكەتى مەن ەمدەۋ مەكەمەلەرىنىڭ اۆتوپاركى 41 سانيتارلىق ماشينامەن تولىقتى، 6 ءموبيلدى دياگنوستيكالىق كەشەن ساتىپ الىندى، دارىلىك جانە جەكە قورعانىس زاتتارىنىڭ ەكى ايلىق كەشەنى جاساقتالدى.
 
بۇگىندە 47 باقىلاۋ توبى 29200 نىساندى قامتىپ، 9195 رەيد جۇرگىزدى، 1842 ادام اكىمشىلىك جازاعا تارتىلىپ، 177،6 ملن تەڭگەگە ايىپپۇل سالىندى.
 
ء«بىزدىڭ وبلىس «جاسىل ايماقتا» تۇر، بىراق، وڭىردەگى تۇراقتى جاعدايعا قاراماستان، كوروناۆيرۋس ينفەكتسياسىنىڭ كورشى وبلىستار مەن رەسەي فەدەراتسياسىنان كەلۋ قاۋپى بار. ونىڭ ۇستىنە ءبىزدىڭ ءوڭىر ارقىلى «باتىس ەۋروپا – باتىس قىتاي» حالىقارالىق كولىك ءدالىزى ءوتىپ جاتىر. Covid-19 قاۋپى ءالى سەيىلگەن جوق، سوندىقتان ارقانى كەڭگە سالۋعا بولمايدى. كوروناۆيرۋس ينفەكتسياسىنا قارسى ەكپەگە قاتىستى اقپاراتتىق-ءتۇسىندىرۋ جۇمىستارىن كۇشەيتۋ قاجەت. ءبىرىنشى كەزەڭدە ءبىزدىڭ وبلىستا مەديتسينالىق قىزمەتكەرلەردى، مۇعالىمدەردى، كۇشتىك قۇرىلىم قىزمەتكەرلەرىن قوسقاندا تۇرعىنداردىڭ اۋرۋعا تەز شالدىعاتىن توبىن، ياعني جالپى العاندا 150 مىڭ ادامدى قامتۋ جوسپارلانىپ وتىر. باقىلاۋ توپتارى ءوز جۇمىستارىن جالعاستىرۋلارى كەرەك»، دەپ تاپسىردى وبلىس اكىمى.
سوڭعى جاڭالىقتار

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

اردا ازاماتتىڭ ەسىمى ەل ەسىندە

قازاقستان • بۇگىن، 09:29

قوزىباەۆ كابينەتى اشىلدى

قازاقستان • بۇگىن، 09:28

«قىزىل ايماقتان» قۇتىلا الماي تۇرمىز

كوروناۆيرۋس • بۇگىن، 09:23

ەلدى امان الىپ قالاتىن ەكپە عانا

كوروناۆيرۋس • بۇگىن، 09:21

ەپيداحۋال تۇراقتالىپ كەلەدى

كوروناۆيرۋس • بۇگىن، 09:19

سپورتتى سەرىك ەتكەن

سپورت • بۇگىن، 09:02

سورەسىندە – سان كىتاپ

ادەبيەت • بۇگىن، 09:00

جۇلدىزدى ساتتەر جىلناماسى

ەلباسى • بۇگىن، 08:55

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

ۇقساس جاڭالىقتار