قوعام • 19 قاڭتار، 2021

شىمكەنتتە بالاباقشادا ازىق-ت ۇلىكتى ۇنەمدەۋ سالدارىنان بالالار اش وتىر

100 رەت كورسەتىلدى

شىمكەنت قالاسىندا مەملەكەتتىك بالاباقشا قىزمەتكەرلەرى مەن اتا-انالار بالاباقشا مەڭگەرۋشىسىن جۇمىستان بوساتۋدى تالاپ ەتىپ وتىر، دەپ حابارلايدى Egemen.kz

ارىزدانۋشىلاردىڭ ايتۋىنشا، ازىق-ت ۇلىكتى ورىنسىز ۇنەمدەۋ سالدارىنان بالالار اش جۇرەدى ەكەن.

بالاباقشا قالانىڭ قۇرساي مولتەكاۋدانىندا ورنالاسقان. جەرگىلىكتى تۇرعىندار مەكتەپ دەيىنگى ءبىلىم بەرۋ مەكەمەسىنىڭ قىزمەتكەرلەرگە جانە بالالارعا دەگەن قارىم-قاتىناسىنا نارازىلىقتارىن ءبىلدىردى.

بالاباقشا تاربيەشىلەرى بالالاردىڭ تويىپ تاماق ىشپەگەننەن ءجيى اش جۇرەتىنىن راستاپ وتىر. سونىمەن قاتار ولار باستىقتىڭ قورلاۋىنا جانە ۇرىپ-سوعۋىنا شىدايتىن كەزدەرى بولاتىنىن دا باسا ايتتى.

«مەن اس ۇيدەن تاماق تاراتامىن. كەيدە تاعامدى قالاي دايىنداپ جاتقانىن كورىپ قالامىن. 150 بالاعا تاۋىقتىڭ 2 جامباسىنان تاماق جاسايدى. ءسويتىپ ءبىرىنشى اسقا − سورپا، ەكىنشى اسقا − سۋعا پىسكەن كۇرىش نەمەسە جارمانى بۇقتىرىپ جانىنا سول تاۋىق ەتىن سالىپ بەرەدى. قىزمەتكەرلەر دە وسى تاماقتى جەيمىز. بۇل ءۇش جىلدان استام ۋاقىت بويى جالعاسىپ كەلەدى»، دەدى شىمكەنت قالاسىنىڭ №36 بالاباقشا تاربيەشىسىنىڭ كومەكشىسى ءاسيا داليەۆا.

ال قۇرساي مولتەكاۋدانىنىڭ تۇرعىنى قاليما قازىباەۆا: «قازىر مەنىڭ ەكى بالام وسى بالاباقشاعا بارادى. بىرەۋى − 5، ەكىنشىسى − 2 جاستا. ولار ۇيگە اش كەلەدى. كەيدە ءتىپتى ەرتەرەك الىپ كەتەمىز. قايتار جولدا قارنى اش ەكەنىن ايتىپ جىلايدى. ءبىز دۇكەنگە كىرىپ، نان ساتىپ الساق، ۇيگە جەتكەنشە جەپ قويادى»، دەيدى

بالاباقشا قىزمەتكەرلەرى بالالار اش قالماۋى ءۇشىن ۇيدەن تاماق الىپ كەلەتىن كەزدەرى بولاتىنىن ايتتى. ولاردىڭ ايتۋىنشا، باسشىسى دورەكى سويلەسەدى، كەيدە ءتىپتى قول كوتەرەدى. شىداماعاندارى جۇمىستان شىعىپ كەتكەن.

تاربيەشى ءشاربات ساۋلىقوۆا كەشەگى وتكەن جينالىستا ول ءۇش قىزمەتكەرگە عايبات ءسوز ايتىپ، ارتىنشا ورنىنان تۇرىپ جۇلدىز ەسىمدى قىزدىڭ قولىنان قالىڭ داپتەرمەن سالىپ قالعانىن ايتتى. مۇنداي جاعدايلار ءجيى-ءجيى قايتالانىپ تۇراتىن دا تىلگە تيەك ەتتى.

مەكەمە باسشىسى بولسا، وزىنە تاعىلعان ايىپتى جوققا شىعارادى. جۇمىستان شىعارۋ ءۇشىن ءبارى وعان قارسى بىرىگىپ الىپ، ادەيى جاساپ وتىرعانىن ايتادى.

«كەشەدەن باستاپ تەلەفونىما ءتۇرلى حابارلاما كەلىپ جاتىر. ەگەر مەن ولارعا بەلگىلى ءبىر سومانى بەرسەم، وندا اتا-انالار دا، قىزمەتكەرلەر دە ب ۇلىك شىعارمايدى دەپ جازىپتى. بولماسا، ءبارىن وسىندا جينايمىز دەپ قورقىتتى. باسقا ايتاتىن ەشتەڭەم جوق. بۇل تۋرالى قۇقىق قورعاۋ ورگاندارىنا حابارلايمىن»، دەدى بالاباقشا مەڭگەرۋشىسى زينا مولداقۇلوۆا.

جانجال كەزىندە ءبىلىم باسقارماسىنىڭ قىزمەتكەرلەرى دە كەلدى. نارازى توپتىڭ شاعىمدارىن تىڭداپ، بۇل ماسەلەنى شەشۋگە ۋادە بەردى. وسىعان وراي ارنايى كوميسسيا قۇرىلاتىنىن جانە باسشىلىق ارەكەتىن پوليتسيا دا تەكسەرەتىن ايتىپ ءوتتى.

ال اتا-انالاردىڭ كوپشىلىگى ديرەكتوردى جۇمىستان شىعارمايىنشا، بالالارىن اكەلمەيمىز دەپ وتىر.

سوڭعى جاڭالىقتار

اقمولا «جاسىل» ايماققا ءوتتى

كوروناۆيرۋس • بۇگىن، 08:58

جاپونيا جەڭىسكە جەتتى

سپورت • بۇگىن، 07:55

بوندارەنكونىڭ بەتموبيلى

ايماقتار • بۇگىن، 07:51

تارباعاتاي قازىناسى

ايماقتار • بۇگىن، 07:45

تۇمار بولعان سىرعا سىرى

ونەر • بۇگىن، 07:42

تاريح تولقىنىنداعى گەنەرال

قوعام • بۇگىن، 07:35

انا دا، بالا دا امان

ايماقتار • بۇگىن، 07:30

«سارى ايماققا» دا ساقتىق كەرەك

ايماقتار • بۇگىن، 07:28

باۋىرلاس ەلمەن بايلانىس نىعايدى

ايماقتار • بۇگىن، 07:22

ماڭىزدى جوبالار تالقىلاندى

ايماقتار • بۇگىن، 07:20

قوعامدىق كەڭەستەر قۇرىلدى

قوعام • بۇگىن، 07:10

سەنات بيۋروسىنىڭ وتىرىسى

پارلامەنت • بۇگىن، 07:07

ۋداي «ۇماي»

قوعام • كەشە

ۇقساس جاڭالىقتار