ايتالىق, 2020 جىلى ەۋروكودتارعا تولىق كوشۋ ناتيجەسىندە 500-دەن استام قۇرىلىس نورمالارى جويىلدى. وسىلايشا, 2025 جىلعا دەيىن اياقتالاتىن قۇرىلىس يندۋسترياسىن تەحنيكالىق رەتتەۋ جۇيەسىن رەفورمالاۋدىڭ ءۇشىنشى قورىتىندى كەزەڭى باستالدى. ەۋروكودتارعا ءوتۋ قۇرىلىس يندۋسترياسىن ەسكىرگەن نورماتيۆتىك-تەحنيكالىق بازانىڭ رەفورماسىمەن ۇيلەستىرۋ ارقىلى ەۋروپالىق جانە الەمدىك جۇيەلەرمەن بىرىكتىرۋ قاجەتتىلىگىمەن انىقتالادى. ەۋروكودتار – بۇل ازاماتتىق عيماراتتار مەن قۇرىلىستاردى جوبالاۋدىڭ ەۋروپالىق تەحنيكالىق ستاندارتتارى. ونى ەۋروپالىق ستاندارتتاۋ كوميتەتى سوڭعى 30 جىل ىشىندە جاسادى. ستاندارتتارعا قۇرىلىس جوبالارى قۇرىلىمداردىڭ بارلىق تيپىنە: بولات, تەمىربەتون, اعاش, كىرپىش جانە اليۋمينيگە قويىلاتىن تالاپتار كىرەدى.
«قۇرىلىس كومپانيالارى ماماندارى ەۋروكودتاردى قولدانۋدىڭ ەداۋىر جەڭىلدىكتەرىنە يە بولادى. ولاردىڭ باسەكەگە قابىلەتتىلىگى ارتادى, ينۆەستيتسيا تارتۋ ءۇشىن كومپانيالار ەۋروكودتار قولدانىلاتىن شەتەلدىك قۇرىلىس قىزمەتتەرى نارىعىنا شىعا الادى جانە بۇل الەمنىڭ 45-تەن استام ەلىندە قولدانىلادى. سونداي-اق شەتەلدىك كومپانيالار قازاقستان رەسپۋبليكاسىنىڭ اۋماعىندا جوبالاۋ جانە قۇرىلىس سالاسىندا ءبىزدىڭ ماماندارىمىزدى تارتا الادى», دەدى يندۋستريا جانە ينفراقۇرىلىمدىق دامۋ مينيسترلىگى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ توراعاسى مارحابات جايىمبەتوۆ.
قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتى («قازقسعزي» اق) ەۋروكودتارعا كوشۋدىڭ جاۋاپتى وپەراتورى بولدى. سوڭعى 5 جىلدا قازقسعزي ماماندارى ەۋروكودتارعا 56 ۇلتتىق قوسىمشا ازىرلەدى, 3 مىڭعا جۋىق مامان قازقسعزي كورپوراتيۆتىك ينستيتۋتىندا وقۋدان ءوتتى, 23 قاناتقاقتى جوبا ەۋروكودتاردى قولدانۋ ارقىلى جۇزەگە اسىرىلدى.
2020 جىلدىڭ قاراشا ايىندا تمد ەلدەرىنىڭ قۇرىلىس قىزمەتىندەگى ىنتىماقتاستىق جونىندەگى ۇكىمەتارالىق كەڭەسىندە «قازقسعزي» اق ماماندارى جاساعان قازاقستان ۇسىنعان قۇرىلىستاعى جىكتەۋ مەن كودتاۋدىڭ بىرىڭعاي جۇيەسى ماقۇلداندى.
جىل قورىتىندىسى بويىنشا قازاقستان ۇسىنعان جەر سىلكىنىسىنە ءتوزىمدى قۇرىلىس سالاسىنداعى تمد ەلدەرى ءۇشىن نورمالاردىڭ بىرىڭعاي مودەلى قاراستىرىلدى.
