كىتاپ ادامزات تاريحىنداعى الەمدىك وقيعالار مەن ميلليونداعان ادامداردىڭ تاعدىرىنا اسەر ەتكەن ۇلى, كورنەكتى تۇلعالاردى تاربيەلەپ وسىرگەن انالاردىڭ ومىرلىك تاريحىنا نەگىزدەلگەن.
جيناقتا قر تۇڭعىش پرەزيدەنتى – ەلباسى نۇرسۇلتان نازارباەۆتىڭ اناسى ءالجان نازارباەۆا, رف پرەزيدەنتى ۆلاديمير ءپۋتيننىڭ اناسى ماريا پۋتينا, امەريكالىق ونەرتاپقىش توماس ەديسوننىڭ اناسى نەنسي ەليوت, سينگاپۋردىڭ ءبىرىنشى پرەمەر-ءمينيسترى بولعان لي كۋان يۋ-ءدىڭ اناسى چۋا دجيم نەو, تۇركيانىڭ تۇڭعىش پرەزيدەنتى بولعان كەمال اتاتۇرىكتىڭ اناسى زۋبەيدە حانىم جانە وزگە دە تاريحي تۇلعالاردىڭ انالارى قامتىلعان.
«جۇماقتىڭ كىلتى – انانىڭ تابانىنىڭ استىندا» دەگەن كەرەمەت ءسوز بار. سول وي تۇرعىسىندا «كەمەڭگەر تۇلعالاردىڭ ۇلى انالارى» دەگەن كىتاپتىڭ تۇساۋكەسەرى ءوتىپ جاتىر. ارينە, بۇل كىتاپ ەڭ الدىمەن انالارعا ارنالعان. كىتاپتا ەلىمىزگە بەلگىلى تۇلعالاردان, مەملەكەتتىك قايراتكەرلەردەن باسقا, سپورت پەن عىلىم جانە باسقا دا سالالارداعى قايراتكەرلەردىڭ ءومىرى الىنعان. بىراق مۇنداعى نەگىزگى ماقسات – سول تۇلعالاردىڭ ءومىربايانى ەمەس, انالارىنىڭ ءوز بالاسىنىڭ تابىسقا جەتۋگە سىڭىرگەن ەڭبەگىن كورسەتۋ. سوندىقتان, بارىمىزگە ىستىق بولاتىن, جۇرەگىمىزگە ەرەكشە سەزىم بەرەتىن كىتاپ بولادى دەپ ۇمىتتەنەمىن», - دەدى ارىستانبەك مۇحامەدي ۇلى ورتالىق كوممۋنيكاتسيالار قىزمەتىندە وتكەن كىتاپ تۇساۋكەسەرىندە.
