«وبلىستىق, رەسپۋبليكالىق ماڭىزى بار قالالاردىڭ, استانانىڭ سايلاۋ كوميسسيالارى ۇسىنعان دەرەكتەرگە سايكەس, 2021 جىلعى 10 قاڭتارداعى نۇر-سۇلتان ۋاقىتىمەن ساعات 7-دەگى جاعداي بويىنشا 12 وڭىردە 8 141 سايلاۋ ۋچاسكەسى داۋىس بەرۋگە كىرىستى.
سونداي-اق 12 شەت مەملەكەتتەگى قر وكىلدىكتەرى جانىنداعى 12 ۋچاسكەدە داۋىس بەرۋ باستالدى. قر-دا بارلىعى 10 060 سايلاۋ ۋچاسكەسى بار. ونىڭ ىشىندە 66 سايلاۋ ۋچاسكەسى - 53 شەت مەملەكەتتەردەگى وكىلدىكتەر جانىندا», - دەدى ول. ونىڭ اتاپ وتۋىنشە, «قر-داعى سايلاۋ تۋرالى» كونستيتۋتسيالىق زاڭ اياسىندا اۋماقتىق سايلاۋ كوميسسيالارى قابىلداعان شەشىمدەرگە سايكەس 47 ۋچاسكەدە داۋىس بەرۋ تاڭعى ساعات 6-دا باستالدى.
«ۋاقىت بەلدەۋلەرىنىڭ شەكاراسىنا سايكەس, 5 وڭىردە – اقتوبە, اتىراۋ, باتىس قازاقستان, قىزىلوردا جانە ماڭعىستاۋ وبلىستارىندا سايلاۋ ۋچاسكەلەرىندە داۋىس بەرۋ جەرگىلىكتى ۋاقىت بويىنشا ساعات 7-دە, ياعني, نۇر-سۇلتان ۋاقىتىمەن 8-دە باستالادى», دەدى اسىلبەك سماعۇلوۆ.
