توراعا ورىنباسارى حالىقارالىق بايقاۋشىلاردى پارلامەنت ءماجىلىسى مەن جەرگىلىكتى وكىلدى ورگانداردىڭ دەپۋتاتتارىن سايلاۋعا دايىندىق بارىسىمەن تانىستىردى.
«قازاقستان سايلاۋ پروتسەسىن جالپىعا بىردەي قابىلدانعان حالىقارالىق ستاندارتتارعا, ونىڭ ىشىندە كوپەنگاگەن قۇجاتتارىنىڭ ەرەجەلەرىنە سايكەس ۇيىمداستىرۋ ءۇشىن بارلىق قاجەتتى شارالاردى قامتاماسىز ەتۋدە. ول ءۇشىن ءبىزدىڭ ەلىمىزدە جۇرگىزىلىپ جاتقان ساياسي جانە ەكونوميكالىق وزگەرىستەر قامتىلعان بەرىك نەگىزدەر بار. كوروناۆيرۋس پاندەمياسىنىڭ ەلەۋلى زارداپتارى قازاقستاننىڭ الدىنا تۇبەگەيلى جاڭا مىندەتتەر قويدى, سوندىقتان الداعى پارلامەنتتىك سايلاۋ بارلىق بيلىك ورگاندارىنىڭ تۇراقتى جۇمىسىن قامتاماسىز ەتۋدە جانە ايتىلعان زارداپتاردى ەڭسەرۋدە اسا ماڭىزدى», - دەدى ا.شاكىروۆ.
سونداي-اق قازاقستاننىڭ پارلامەنتتىك اسسامبلەيا جۇمىسىنا بەلسەندى قاتىسىپ كەلە جاتقانى اتاپ ءوتىلدى. سەنات دەپۋتاتتارى بەينە كونفەرەنتسيا بايلانىسى تارتىبىندە وتكەن ۇقشۇ پا-نىڭ بارلىق شارالارىنا قاتىسۋدا.
ۇقشۇ پارلامەنتتىك اسسامبلەياسىنىڭ دەلەگاتسياسى ءوز كەزەگىندە سايلاۋ ۇدەرىستەرىن جەتىلدىرۋ مەن ساياسي جاڭارۋ سالاسىنداعى رەفورمالار جونىندەگى قازاقستاننىڭ قىزمەتىن جوعارى باعالادى.
تاراپتار كەزدەسۋ سوڭىندا ۇيىم اياسىنداعى جۇمىستىڭ قورىتىندىلارى مەن الداعى جوسپارلار تۋرالى پىكىر الماستى.
كەزدەسۋگە ۇقشۇ پا قازاقستان رەسپۋبليكاسى پارلامەنتىنىڭ ۋاكىلەتتى وكىلى ۆيكتور روگالەۆ قاتىستى.
