اتالعان جوبا قازاقستانداعى جەمىس-كوكونىس ونىمدەرىن وڭدەۋ سالاسىنا ايتارلىقتاي تىڭ سەرپىن بەرەدى. اۋىل شارۋاشىلىعى مينيسترلىگىنىڭ مالىمەتىنشە, ەلدە جىل سايىن 3,5 ميلليون توننا ءونىم وندىرىلگەنىمەن, ونىڭ تەك 5 پايىزى عانا ونەركاسىپتىك وڭدەۋدەن وتەدى. ال ساقتاۋ كەزىندەگى شىعىندار 30 پايىزدان اسادى. ناتيجەسىندە كونسەرۆىلەنگەن ونىمدەر نارىعىنداعى يمپورتتىڭ ۇلەسى 80-85 پايىزعا دەيىن جەتىپ وتىر.
جوبانىڭ عىلىمي جاڭالىعى – قىزىلشا, ءسابىز جانە الما شىرىندارى نەگىزىندە پەكتين قوسىلعان وڭتايلى كۋپاجدالعان رەتسەپتۋرالاردى جاساۋ. تەحنولوگيا جەرگىلىكتى شيكىزاتتى تەرەڭ وڭدەۋگە باعىتتالىپ, ونىڭ بيولوگيالىق قۇندىلىعىن – انتيوكسيدانتتار, دارۋمەندەر مەن تاعامدىق تالشىقتاردى بارىنشا ساقتاۋدى قامتاماسىز ەتەدى.
شىرىگەن كوكونىستەر ساتىلعان: ۆيتسە-مينيستر اقتوبەلىكتەردىڭ شاعىمىنا جاۋاپ بەردى
بۇگىندە زەرتتەۋ باعىتىنداعى عىلىمي ناتيجەلەر حالىقارالىق باسىلىمداردا جاريالانىپ, ءونىم ءوندىرۋ تەحنولوگياسى مەن پەكتين الۋ ادىسىنە پاتەنت الىنعان.
مامانداردىڭ پىكىرىنشە, اتالعان تەحنولوگيانى اگروونەركاسىپتىك كەشەن كاسىپورىندارىندا, اسىرەسە ەلىمىزدىڭ وڭتۇستىك وڭىرلەرىندە ەنگىزۋ يمپورتقا تاۋەلدىلىكتى ەداۋىر تومەندەتىپ, دۇرىس تاماقتانۋ ونىمدەرى نارىعىنداعى سۇرانىسقا يە جاڭا سەگمەنتتى دامىتۋعا مۇمكىندىك بەرەدى.
نۇربولات امانبەك
