فوتو: "قايرات" فك
سەرگەي روجكوۆ «قايرات» ساپىندا 1966–1967, 1970–1973, 1975–1976 جىلدارى ونەر كورسەتتى. ول الماتىلىق كلۋب قۇرامىندا 203 ماتچ وتكىزىپ, 25 گول سوقتى, كوماندانىڭ كاپيتانى بولىپ, ءوز ءداۋىرىنىڭ ەڭ جارقىن فۋتبولشىلارىنىڭ ءبىرى اتاندى.
ول 1971 جىلى «قايراتپەن» بىرگە حالىقارالىق تەمىرجولشىلار سپورت وداعى كۋبوگىنىڭ يەگەرى اتاندى. سەرگەي روجكوۆ - كسرو سپورت شەبەرى, 1969 جىلعى كسرو چەمپيونى, كسرو كۋبوگىنىڭ ەكى دۇركىن يەگەرى, سونداي-اق كسرو قۇراماسى ساپىندا ءبىر ماتچ وتكىزگەن.
«سەرگەي ەگوروۆيچ كلۋبىمىز بەن قازاقستان فۋتبولى تاريحىندا وشپەس ءىز قالدىردى. «قايرات» فك سەرگەي ەگوروۆيچتىڭ تۋعان-تۋىستارى مەن جاقىندارىنا, دوستارىنا, بۇرىنعى كوماندالاستارىنا, ونى تانىعان بارشا جانعا كوڭىل ايتادى», دەپ جازدى «قايرات» فك ءباسپاسوز قىزمەتى.
