فوتو: اشىق دەرەككوز
ونىڭ ايتۋىنشا, ءبىر جىل ىشىندە 854 بلوگەرگە تابىسىن تومەن كورسەتكەنى ءۇشىن 1 586 حابارلاما جىبەرىلگەن. جالپى سوماسى شامامەن 72 ملرد تەڭگەنى قۇرايدى. سونىڭ ىشىندە 622 بلوگەر قوسىمشا سالىق دەكلاراتسياسىن تاپسىرىپ, تابىسىن 18,3 ملرد تەڭگەگە ارتتىرعان. ناتيجەسىندە بيۋدجەتكە قوسىمشا شامامەن 1 ملرد تەڭگە تولەندى. سونىمەن قاتار, تاعى 600 ملن تەڭگە تولەۋ تۋرالى تالاپ قويىلعان.
قازىرگى ۋاقىتتا تەكسەرىلىپ جاتقان 7 بلوگەرگە 10 ملن تەڭگەدەن استام سالىق قايتا ەسەپتەلگەن. ەگەر ولار بۇل سومانى ءوز ەركىمەن تولەمەسە, ءىس قۇقىق قورعاۋ ورگاندارىنا بەرىلۋى نەمەسە زاڭدى شارالار قولدانىلۋى مۇمكىن.
ۆيتسە-مينيستر تەكسەرىلىپ جاتقان بلوگەرلەردىڭ ەسىمدەرى سالىق قۇپياسىنا بايلانىستى جاريالانبايتىنىن اتاپ ءوتتى.
كاسپي تەڭىزىنىڭ جاعالاۋىندا ءتارتىپ بۇزعان شەتەلدىك بلوگەرگە ايىپپۇل سالىندى
بۇعان دەيىن دە 15 بلوگەرگە 1,5 ملرد تەڭگە قوسىمشا سالىق ەسەپتەلىپ, ونىڭ 75 ملن تەڭگەسى مەملەكەت بيۋدجەتىنە تولەنگەنى حابارلانعان.
