قاسىم-جومارت توقاەۆقا وتكەن جىلعى ساۋدا جۇيەسىنىڭ دامۋ قورىتىندىلارى, ونىڭ ىشىندە, سىرتقى جانە ىشكى ساۋدانى كەڭەيتۋ جونىندە قابىلدانعان شارالار جايلى باياندالدى. كەزدەسۋ بارىسىندا جاعىمسىز وزگەرىستەرگە قاراماستان, قازاقستاننىڭ شيكىزاتتىق ەمەس ەكسپورتىنىڭ وڭ ديناميكاسىن ساقتاپ قالعانى ايتىلدى.
پرەزيدەنت قازاقستاندىق ءونىمنىڭ ەكسپورتقا شىعارۋ نارىعىن كەڭەيتۋدىڭ جانە ونىڭ باسەكەگە قابىلەتتىلىگىن ارتتىرۋدىڭ ماڭىزدىلىعىن اتاپ ءوتتى. بيىل قازاقستان ەۋرازيالىق ەكونوميكالىق وداققا توراعالىق ەتەدى. وسى رەتتە ءبىزدىڭ ەلىمىز ەۋرازيالىق ينتەگراتسيانى دامىتۋعا, ساۋدا كەدەرگىلەرىن جويۋعا جانە تاۋارلار مەن قىزمەتتەردىڭ ەركىن اينالىمىن قامتاماسىز ەتۋگە باسا ءمان بەرىپ وتىر.
ىشكى ساۋدا سالاسىنا قاتىستى قاسىم-جومارت توقاەۆ باقىت سۇلتانوۆقا ۇلتتىق تاۋار وتكىزۋ جۇيەسىن قۇرۋ, نارىقتى وتاندىق ونىممەن تولىقتىرۋ ءۇشىن جاعداي جاساۋ جانە اتالعان سەكتوردىڭ ورنىقتى دامۋىن قامتاماسىز ەتۋ جونىندەگى جۇمىستاردى ساپالى ءارى جەدەل اتقارۋدى مىندەتتەدى. جۇيە وزبەكستان, قىرعىزستان, تاجىكستان جانە رەسەيدەگى كوتەرمە-تاراتۋ ورتالىقتارى جەلىسىنەن تۇراتىن ەۋرازيالىق تاۋار وتكىزۋ جەلىسىنىڭ نەگىزى بولۋعا ءتيىس.
مەملەكەت باسشىسى ساۋدا جانە ينتەگراتسيا مينيسترىنە وتاندىق ءونىمدى شىعاراتىن نارىقتاردى كەڭەيتۋ ماقساتىندا ەۋرازيالىق ەكونوميكالىق وداق شەڭبەرىندە جانە ءۇشىنشى ەلدەرمەن كووپەراتسيالىق جوبالارعا قاتىسۋ ءۇشىن قازاقستاننىڭ ساۋدا-لوگيستيكالىق الەۋەتىن نىعايتۋ جونىندە شارالار قابىلداۋدى تاپسىردى.
