سوتتالۋشى جانار تولىباەۆانىڭ قاڭتاردا قىلمىستىق كودەكستىڭ 73-بابى نەگىزىندە جازانىڭ وتەلمەگەن بولىگىن نەعۇرلىم جەڭىل جازاعا اۋىستىرۋ تۋرالى ءوتىنىش بەرگەنى بەلگىلى بولدى.
«الماتى وبلىسى ىلە اۋداندىق سوتىنىڭ 2020 جىلعى 6 قاڭتارداعى قاۋلىسى بويىنشا بۇل ءوتىنىش قاناعاتتاندىرىلدى. جازانى وتەۋدى باقىلاۋ پروتسەسى پروباتسيا قىزمەتىنە جۇكتەلدى», دەلىنگەن حابارلامادا.
بۇعان دەيىن جانار تولىباەۆا 4 جىلعا باس بوستاندىعىنان ايىرىلعان بولاتىن. ۇكىم ەكى جىل بۇرىن 2019 جىلدىڭ 17 قاڭتارىندا شىعارىلعان ەدى. سول جىلدىڭ ناۋرىز ايىندا ول الماتى كولونياسىندا بوسانعان ەدى. ءبىر اپتادان سوڭ اپەللياتسيالىق سوت القاسى ونى ەڭ تومەنگى قاۋىپسىزدىك مەكەمەسىنە اۋىستىرعان ەدى.
ەسكە سالايىق, 2018 جىلى 19 شىلدەدە الماتىدا بەلگىسىز بىرەۋلەر دەنيس تەندى پىشاقتاپ كەتكەن بولاتىن. وقيعا شامامەن 15.00-دە قۇرمانعازى مەن بايسەيىتوۆا كوشەلەرىنىڭ قيىلىسىندا بولعان. كەيىن قالالىق ءىىد وكىلدەرى دەنيس تەنگە اۆتوۇرىلار شابۋىل جاساعانىن مالىمدەدى. سويتسەك, سپورتشى ۇرىلاردىڭ ۇستىنەن تۇسكەن بولىپ شىقتى. جانجال كەزىندە سپورتشىنىڭ اياعىنا پىشاق ءتيىپ, كوپ قان جوعالتقان. كەيىن ول اۋرۋحانادا كوز جۇمدى.
ايتا كەتەيىك, بۇل تۋرالى قازاقستان جوعارعى سوتى اپپاراتىنىڭ Tengrinews.kzء تىلشىسى جولداعان رەسمي ساۋالعا بەرگەن جاۋابىندا ايتىلادى.
