بۇل قىزمەتكە قازاقستاندىق مامان كونستانتين گوروۆەنكو كەلدى. ول بۇعان دەيىن قاراعاندىنىڭ «شاحتەر» كومانداسىندا باس باپكەر قىزمەتىن اتقاردى.
ك.گوروۆەنكو 1977 جىلدىڭ 10 اقپانىندا جامبىل وبلىسىنىڭ جاڭاتاس قالاسىندا دۇنيەگە كەلگەن. كاسىبي فۋتبولداعى العاشقى قادامىن 1995 جىلى الماتىنىڭ «قايرات» كومانداسىندا باستادى.
ودان كەيىنگى جىلداردا تالدىقورعاننىڭ «جەتىسۋ», ەلوردالىق «استانا», الماتىنىڭ «الما-اتا», «مەگاسپورت», الماتى وبلىسىنىڭ «سۇڭقار» كلۋبتارىنىڭ نامىسىن قورعادى. سوڭعى جىلداردا باپكەرلىك قىزمەت اتقارىپ كەلەدى.
وتكەن جىلى قاراعاندىنىڭ «شاحتەر» كلۋبىنىڭ تىزگىنىن ۇستاپ, پرەمەر-ليگا كوماندالارى اراسىنداعى ەل بىرىنشىلىگىندە قاراعاندىلىقتار ءتورتىنشى ورىنعا تۇراقتادى.
كوماندا بيىل جاڭا تۋرنير UEFA كونفەدەراتسيا كۋبوگىندا ەل نامىسىن قورعايدى. ەستەرىڭىزگە سالا كەتەلىك, بۇعان دەيىن «جەتىسۋ» كومانداسىندا باس باپكەر قىزمەتىن قازاقستاندىق مامان دميتري وگاي اتقاردى. كوماندا بىلتىر ەل بىرىنشىلىگىندە التىنشى ورىندى مىسە تۇتتى.
