ەلوردا • 30 جەلتوقسان، 2020

نۇر-سۇلتاندا مەرەكە كۇندەرى رەيدتەر كۇشەيتىلەدى

35 رەت كورسەتىلدى

ەلورداداعى كارانتين جانە شەكتەۋ شارالارىنىڭ ساقتالۋىن باقىلايتىن مونيتورينگ توپتارى مەرەكە كۇندەرى كۇشەيتىلگەن رەجىمدە جۇمىس ىستەيدى، دەپ حابارلايدى Egemen.kz

«قالاداعى جاعداي كۇردەلەنبەۋى ءۇشىن، قاتاڭ شەكتەۋلەردى قابىلداماۋ ءۇشىن ۇيدە بولۋ كەرەك، ادام كوپ جينالاتىن ورىندارعا شىقپاۋ جانە جيىندار وتكىزبەۋ كەرەك. ءبىز بارلىق تۇرعىنداردى سانيتارلىق نورمالاردى، كارانتيندىك رەجيمدى ساقتاۋعا شاقىرامىز. كارانتيندى بۇزعانى ءۇشىن جاۋاپكەرشىلىككە تارتۋ قاراستىرىلعان»، دەپ قالا تۇرعىندارىنا ۇندەۋ تاستادى باس مەملەكەتتىك سانيتارلىق دارىگەر جاننا پىراليەۆا.

ايتا كەتۋ كەرەك، نۇر-سۇلتاندا ۇنەمى بۇزۋشىلىق جاساعانى ءۇشىن Zoloto مەيرامحاناسى، Alanya تۇنگى كلۋبى، Janym Sol كاراوكە-بارى، Tekuila كافە-بارىنىڭ جۇمىسى توقتاتىلدى.

اتاپ ايتقاندا، نۇر-سۇلتان قالاسىنىڭ اۋداندىق سانيتارلىق-ەپيدەميالىق باقىلاۋ باسقارمالارىنا اۋداندىق پوليتسيا باسقارمالارىنان 2 458 ماتەريال، كارانتيندى بۇزعان ادامدارعا قاتىستى ۇيلەستىرۋ ورتالىعىنان 261 جەدەل حابارلاما كەلىپ ءتۇستى.

جالپى سوماسى 274 383 554 تەڭگەگە 1411 جەكە جانە زاڭدى تۇلعا اكىمشىلىك جاۋاپكەرشىلىككە تارتىلدى.

ەلوردادا مەرەكە كۇندەرى قاۋىپسىزدىكتى قامتاماسىز ەتۋ ءۇشىن كوشەدە جانە كوپقاباتتى ۇيلەردىڭ اۋلالارىندا، اسىرەسە ويىن-ساۋىق مەكەمەلەرىنىڭ الاڭدارىندا جانە ازاماتتاردىڭ باسقا دا جاپپاي دەمالاتىن ورىندارىندا پاترۋل ۇيىمداستىرىلعان. پاترۋلدىك جاساقتاردىڭ تىعىزدىعى دا ارتتىرىلدى.

سوڭعى جاڭالىقتار

دوللار ارزاندادى

قارجى • بۇگىن، 16:22

شىمكەنتتە دە LRT سالىنۋى مۇمكىن

ايماقتار • بۇگىن، 12:50

ۇقساس جاڭالىقتار