اتىراۋ وبلىسى اكىمىنىڭ ورىنباسارى ەرجان ءابىلحانوۆ ءوز ەركىمەن جۇمىستان كەتۋىنە بايلانىستى ورىنىنا قايرات بەكەنوۆ وبلىس اكىمىنىڭ ورىنباسارى بولىپ تاعايىندالدى. قايرات اسقاربەك ۇلى بەكەنوۆ 1978 جىلى 31 قازاندا دۇنيەگە كەلگەن.
قازاق مەملەكەتتىك باسقارۋ اكادەمياسىن «ەكونوميست» ماماندىعى بويىنشا, قۇقىق جانە نارىق اكادەمياسىن «زاڭگەر» ماماندىعى بويىنشا, قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىن «مەملەكەتتىك جانە جەرگىلىكتى باسقارۋ ماگيسترى» ماماندىعى بويىنشا بىتىرگەن.
ءار جىلدارى الماتى قالاسىنىڭ سالىق ينسپەكتورى, قر قارجى مينيسترلىگىنىڭ ۇكىمەتتىك قارىزداردى تارتۋ دەپارتامەنتى باسقارماسىنىڭ باستىعى, پرەزيدەنت اكىمشىلىگىنىڭ مەملەكەتتىك باقىلاۋ جانە ۇيىمداستىرۋ جۇمىسى ءبولىمىنىڭ باس ينسپەكتورى بولىپ جۇمىس ىستەدى.
سونىمەن قاتار, استانا قالاسى سارىارقا اۋدانى اكىمىنىڭ ورىنباسارى, قىزىلوردا قالاسى اكىمىنىڭ ورىنباسارى, سولتۇستىك قازاقستان وبلىسى اكىمىنىڭ ورىنباسارى, «اقتوبە» الەۋمەتتىك كاسىپكەرلىك كورپوراتسياسى اق باسقارما توراعاسى لاۋازىمدارىن اتقاردى. تاعايىندالعانعا دەيىن اقتوبە وبلىسى اكىمىنىڭ ورىنباسارى بولىپ جۇمىس ىستەگەن.
