بۇزۋشىلىقتار رەسپۋبليكانىڭ 24 مەكتەبىندە انىقتالدى. ماسكا رەجيمىن, دىمقىل تازالاۋ جانە دەزينفەكتسيالاۋ كەستەسىن بۇزۋ, پارتالار اراسىنداعى اراقاشىقتىققا قويىلاتىن تالاپتاردى ساقتاماۋ فاكتىلەرى تىركەلگەن.
سونىمەن قاتار, تومەندەگىدەي بۇزۋشىلىقتار ءجيى كەزدەسەدى: تازالاۋ جانە دەزينفەكتسيالاۋ قۇرالدارىنىڭ, باكتەريتسيدتى شامداردىڭ جەتكىلىكسىز مولشەرى; پايدالانىلعان ماسكالاردى جيناۋعا ارنالعان كونتەينەرلەردىڭ بولماۋى, جانە كەيبىر مەكتەپتەردە اسحانالار جۇمىس ىستەگەنى انىقتالدى.
سانيتاريالىق دارىگەرلەردىڭ تالاپتارىن ساقتاماۋ فاكتىلەرىنىڭ ەڭ كوبى: الماتى, جامبىل, قوستاناي, قاراعاندى, باتىس قازاقستان, سولتۇستىك قازاقستان وبلىستارىندا جانە الماتى قالاسىندا انىقتالدى.
بۇزۋشىلىقتار انىقتالعان مەكتەپتەردە ءتۇسىندىرۋ جۇمىستارى جۇرگىزىلىپ, ماسەلەلەر ءبىلىم باسقارمالارى باسشىلارىنىڭ جانە مەكتەپ ديرەكتورلارىنىڭ قاتىسۋىمەن وتكىزىلگەن كەڭەستەردە قارالدى. بۇگىنگى كۇنى بارلىق بۇزۋشىلىقتار جويىلعان.
