ايماقتار • 12 جەلتوقسان، 2020

سولتۇستىك قازاقستاندا قىلمىس سانى 23% تومەندەگەن

10 رەت كورسەتىلدى

سولتۇستىك قازاقستان وبلىستىق پوليتسيا دەپارتامەنتىنىڭ باستىعى مارات تولەباەۆ ونلاين رەجىمدە بيىلعى جىلدى قورىتىندىلاپ، تد ارقىلى ەسەپ بەردى، دەپ حابارلايدى Egemen.kz

ونى Facebook الەۋمەتتىك جەلىسىنىڭ قاتىسۋشىلارى دا تىكەلەي ەفيردە كورىپ، سۇراقتار بەرۋگە دە مۇمكىندىكتەرى بولدى. باستىقتىڭ ەسەبى بويىنشا بيىل سقو تىركەلگەن قىلمىس سانى بىلتىرعىدان قاراعاندا 23 پايىزعا ازايىپ، 6007-دەن 4646-عا تۇسكەن. سونىڭ ىشىندە كىسى ءولتىرۋ، دەنە جاراقاتىن سالۋ، توناۋ، ۇرلىق جانە اقشا تالاپ ەتۋ سياقتى قىلمىستار سانى ازايعان. ەسەسىنە ينتەرنەت الاياقتىق سياقتى قىلمىس سانى ارتقان. سونىمەن بىرگە جول-كولىك وقيعالارى دا ازايماي وتىر.

باياندامادا ماس بولۋشىلاردىڭ قىلمىستى جولعا ءتۇسۋىنىڭ الدىن الۋ ماقساتىمەن جۇرگىزىلگەن رەيدتەردىڭ ارقاسىندا 9420 بۇزۋشىلىق قۇرىقتالعان. زاڭسىز اينالىمنان ءبىر مىڭ ليتردەن ارتىق الكوگول ونىمدەرى تاركىلەنگەن. سونىمەن قاتار ولاردى ساتۋدىڭ 187 فاكتىسى انىقتالعان.

ء"بىز ءوز تاراپىمىزدان الكوگولدىڭ زاڭسىز اينالىمىنا قارسى كۇرەستى ۇزدىكسىز جۇرگىزەمىز. بۇل ىستە حالىقتىڭ قىراعىلىعىنا دا مۇقتاجبىز. ءوزىنىڭ ورتاسى زاڭ بۇزباۋىن تىلەيتىن ازاماتتار بۇل ىستە بىزگە قولعابىس بەرۋلەرى كەرەك"، دەدى م.تولەباەۆ.

ونىڭ ايتۋىنشا، پوليتسيا قىزمەتكەرلەرىنىڭ ىشكى قۇرامىنداعى زاڭ بۇزۋشىلىقتار دا تىس قالعان جوق. جىل باسىنان بەرى الپىستان ارتىق ءتۇرلى ءبولىنىس  باسشىلارى جاۋاپكەرشىلىككە تارتىلىپتى، ال 21 قىزمەتكەر جاعىمسىز قىلىقتارى ءۇشىن قىزمەتتەرىنەن قۋىلعان. باياندامادا باسقا دا قىلمىستاردىڭ جاي-جاپسارى ايتىلدى.

سوڭعى جاڭالىقتار

ۇقساس جاڭالىقتار