جول كارتاسى اياسىندا ەلوردادا مەكتەپتەر, اۋرۋحانالار, تۇرعىن ۇيلەر, جولدار مەن كولىك-ينجەنەرلىك ينفراقۇرىلىم جوندەلدى. ءبىر اۋرۋحانا مەن ەكى ەمحانا كۇردەلى جوندەۋدەن ءوتتى. ءبىلىم بەرۋ سالاسىندا 10 بالاباقشا, 10 مەكتەپ, 5 ۇيىم جاڭارتىلدى.
سونداي-اق جقجك اياسىندا № 49 ورتا مەكتەپتە جوندەۋ جۇمىستارى جۇرگىزىلدى. 2005 جىلى 1300 بالاعا ارنالعان مەكەمە پايدالانۋعا بەرىلدى. وندا ىشكى ارلەۋ جۇمىستارىن جۇرگىزۋ, جىلىتۋ جۇيەسىن جوندەۋ جانە ەلەكتر جەلىلەرىن جاڭعىرتۋ قاجەت بولدى.
جقجك باعدارلاماسى اياسىندا تالاپتارعا سايكەس جوندەۋ جۇرگىزىلدى, ينجەنەرلىك جۇيەلەر قالپىنا كەلتىرىلدى. جاڭا وقۋ جىلىندا كەزەكشى سىنىپ وقۋشىلارى جاڭارتىلعان كابينەتتەرگە كىردى. "يندۋستروي-2" جشس جۇرگىزگەن جوندەۋ جۇمىستارىنا 98 ادام جۇمىلدىرىلدى. ونىڭ ىشىندە 47 ادام جۇمىسپەن قامتۋ ورتالىعى ارقىلى جۇمىسقا ورنالاستىرىلدى.
بۇگىنگى تاڭدا "جۇمىسپەن قامتۋدىڭ جول كارتاسى" باعدارلاماسى اياسىندا نۇر-سۇلتان قالاسىندا 1600-گە جۋىق ادام جۇمىس ىستەيدى. جۇمىسپەن قامتۋ ورتالىعى ارقىلى 8133 ادام, مەردىگەرلەر ارقىلى 7 826 ادام جۇمىسقا ورنالاستىرىلدى. 1500-گە جۋىق ادام تۇراقتى جۇمىس تاپتى.
اتقاراتىن لاۋازىمىنا جانە ورىندايتىن جۇمىسىنا بايلانىستى جالاقى كولەمى 85 000 تەڭگەدەن 250 000 تەڭگە ارالىعىندا. جقجك بويىنشا بوس ورىندار تۋرالى مالىمەتتەر www.enbek.kz پورتالىندا جاريالانادى.
