كاسىپقوي بوكستان ورتا سالماقتاعى IBF جانە IBO تۇجىرىمدارى بويىنشا الەم چەمپيونى گەننادي گولوۆكين (40-1-1, 35 كو) اقش-تىڭ فلوريدا شتاتىنداعى حولليۆۋد قالاسىندا پولياك بوكسشىسى كاميل شەرەمەتامەن (21-0, 5 KO) جەكپە-جەك وتكىزەدى.
38 جاستاعى جەرلەسىمىز شارشى الاڭعا سوڭعى رەت 2019 جىلدىڭ قازان ايىندا ۋكراينالىق سەرگەي دەرەۆيانچەنكوعا قارسى شىققان ەدى.
31 جاستاعى شەرەمەتامەن وتەتىن جەكپە-جەكتە گولوۆكين IBF تۇجىرىمى بويىنشا الەم چەمپيونى اتاعىن قورعايدى.
بوكس كەشى اياسىندا قازاقستاندىق كاسىپقوي بوكسشى, ەكىنشى ورتا سالماقتاعى WBC International Silver چەمپيوندىق بەلبەۋىنىڭ يەگەرى ءالي احمەدوۆ (16-0, 12 كو) كەزەكتى جەكپە-جەگىن وتكىزەدى.
ءالي احمەدوۆ 18 كەزدەسۋدىڭ بارلىعىندا جەڭىسكە جەتىپ, 13 قارسىلاسىن نوكاۋتپەن ۇتقان 31 جاستاعى ەكۆادورلىق كارلوس گونگورامەن جۇدىرىقتاسادى. Qazaqstan جانە Qazsport تەلەارنالارى بوكس كەشىن 19 جەلتوقساندا تىكەلەي ەفيردە كورسەتەدى. ترانسلياتسيا نۇر-سۇلتان ۋاقىتىمەن تاڭعى 4-تە باستالادى.
