ايتا كەتۋ كەرەك, تۇزەتۋ قۇجاتتار پاكەتىن تولىق تولتىرماعان ءوتىنىش بەرۋشىلەرگە كەرەك بولدى. ولار SMS حابارلاما الدى. ءوتىنىش بەرۋشىلەر اقپاراتتى جەكە كابينەتى ارقىلى 12 جەلتوقسانعا دەيىن تولىقتىرا الادى.
جالپى, قۇجاتتاردى قابىلداۋ كەزىندە 5463 ءوتىنىش كەلىپ ءتۇستى, ونىڭ 1507-ءسى قابىلدانبادى. جاستارعا ارنالعان ساتىپ الۋ قۇقىعىنسىز باعدارلاماسى بويىنشا باسپانا الۋشىلار 30 جەلتوقسانعا دەيىن انىقتالادى. ولاردىڭ ەسىمدەرى zhilfond.kz سايتىندا جاريالانادى.
ەسكە سالايىق, باعدارلامانىڭ تالاپتارىنا سايكەس, سوڭعى ەكى جىلدا مەنشىك قۇقىعىندا تۇرعىن ءۇيى جوق, 29 جاسقا دەيىنگى قازاقستان ازاماتتارى وسى باعىت بويىنشا جالعا بەرىلەتىن تۇرعىن ءۇي الۋعا ءوتىنىش بەرە الادى. سونىمەن قاتار, ەرلى-زايىپتىلار مەن بالالاردىڭ مۇلكى بولماۋى كەرەك. سوڭعى ەكى جىلدا ءۇزىلىسسىز تۇراقتى تىركەۋدە تۇرۋى قاجەت.
سونداي-اق, ءوتىنىش بەرۋشىلەردىڭ رەسمي كىرىسى 40 اەك نەمەسە سوڭعى التى ايدا 111 120 تەڭگەنى قۇراۋى كەرەك.
باعدارلاما بويىنشا بارلىعى ءبىر بولمەلى 350 جالدامالى پاتەر بەرۋ جوسپارلانىپ وتىر. ۇيلەر ر.قوشقارباەۆ داڭعىلى مەن قورداي داڭعىلىنىڭ قيىلىسىندا, سونداي-اق ابىلاي حان جانە ب.مومىش ۇلى داڭعىلىندا ورنالاسقان. تۇرعىن ءۇيدىڭ اۋدانى 31-دەن 47 شارشى مەترگە دەيىن. اي سايىنعى جالداۋ اقىسى 5000-نان 15000 تەڭگەگە دەيىن بولادى. جالعا الۋ مەرزىمى - بەس جىل.
وسى باعدارلاماعا قاتىستى بارلىق سۇراقتار بويىنشا 109 بايلانىس ورتالىعىنا حابارلاسۋعا بولادى.
