"بۇل شەكتەۋ شارالارى جالعاسادى. لوكداۋن ادامدارعا قانشالىقتى قيىن بولعانىن كوردىڭىزدەر. ونىڭ قايتالانعانى كىمگە كەرەك؟ مەنىڭ ويىمشا, ءبىز بۇعان جول بەرمەۋىمىز قاجەت. جول بەرمەۋ سىزگە جانە ماعان, سونداي-اق قوعامنىڭ ءاربىر مۇشەسىنە تىكەلەي بايلانىستى. ال مەرەكەلىك دەمالىستى وتباسىمەن وتكىزگەن دۇرىس. تۇرعىنداردىڭ ءبىرازى جاڭا جىلدىق مەرەكەلەر الدىندا دۇكەندەر, ساۋدا ورتالىقتارىنا ءجيى باراتىنى انىق. وسى تار ءدالىزدى كەڭەيتۋ ءۇشىن ءبىز ءىرى سۋپەرماركەتتەردى تاۋلىك بويعى جۇمىس رەجىمىنە اۋىستىرۋدى ويلاستىرىپ جاتىرمىز", دەپ ءتۇسىندىردى التاي كولگىنوۆ.
وسىلايشا, تۇرعىندار كەشكى سەگىزگە دەيىن دۇكەنگە ۇلگەرۋگە اسىقپاي, مەرەكە الدىندا ادام كوپ جينالاتىن جەرلەردەن اۋلاق بولا الادى. بىراق بۇل ماسەلە ءالى دە تالقىلانىپ وتىر.
"قازىر قالانى جابۋ جوسپاردا جوق, بىراق كۆي بويىنشا وڭ سىناقتار كوبەيگەن جاعدايدا قوسىمشا كارانتيندىك شەكتەۋلەر ەنگىزىلەدى", دەپ قورىتىندىلادى ەلوردا اكىمى.
