ايماقتار • 09 جەلتوقسان، 2020

قوستاناي وبلىسىندا ۆولونتەرلىكتى دامىتۋ تۇجىرىمداماسى جاسالادى

14 رەت كورسەتىلدى

قوستاناي وبلىسى اكىمدىگىندە وتكەن كەڭەيتىلگەن وتىرىستا ۆولونتەر جىلى قورىتىندىلاندى، دەپ حابارلايدى Egemen.kz.

جيىن بارىسىندا وبلىستىق جاستار ساياساتى باسقارماسىنىڭ باسشىسى مارات جۇرقاباەۆ وڭىردەگى ۆولونتەرلىق قىزمەتتىڭ بارلىق باعىتتارىن قامتي وتىرىپ، كۇردەلى كەزەڭدە ەرىكتىلەردىڭ كوپشىلىك يگىلىگى ءۇشىن ەتكەن ەڭبەكتەرى مەن وبلىستا ۇيىمداستىرىلعان رەسپۋبليكالىق جانە جەرگىلىكتى اكتسيالار جونىندە باياندادى.

بۇگىندە ايماقتا 90 ۆولونتەرلىق ۇيىم بار.  Qazvolunteer.kz سايتىندا قوستاناي ءوبلىسىندابىلىم الىپ جاتقان 1125 ستۋدەنت جانە 60 ۇيىم تىركەلگەن. وبلىس ورتالىعىندا ەرىكتىلەر قوزعالىسىن ۇيلەستىرىپ، باعىتتاپ وتىراتىن فرونت-وفيس جۇمىس ىستەيدى. وفيس قىزمەتكەرلەرى ءوزارا كومەك كورسەتۋ ماقساتىندا جاساعان  vlo.kz ونلاين-سەرۆيسى سايتى ارقىلى وبلىس تۇرعىندارىنىڭ قانداي دا ءبىر كومەك الۋىنا نەمەسە كومەك ۇسىنۋىنا مۇمكىندىك قاراستىرىلعان.

"بۇگىندە ەلىمىزدە ۆولونتەرلىق قوزعالىس تولىققاندى قالىپتاستى. الايدا ەرىكتىلەرگە قارجىلاندىرۋ، عيماراتپەن قامتاماسىز ەتۋ سياقتى جۇيەلى قولداۋ كورسەتىلۋ كەرەك. سوندىقتان 2021 جىلى وبلىستاعى ۆولونتەرلىق قوزعالىستى دامىتۋدىڭ تۇجىرىمداماسى ازىرلەنۋى ءتيىس"، - دەدى مارات جۇرقاباەۆ.

باسقارما باسشىسى جەرگىلىكتى ۆولونتەرلاردىڭ بيىلعى قاتاڭ كارانتين جاعدايىندا، اسىرەسە، اۋرۋحانالار مەن الەۋمەتتىك مەكەمەلەرگە كوپ كومەك كورسەتكەنىن ەرەكشە اتاپ ءوتتى. پاندەميا كەزىندە ەرىكتىلەر وبلىس ورتالىعىنداعى 5 ەمحانادان 6 مىڭ مەكەنجايعا ءدارى-دارمەك جەتكىزگەن. 200-دەن استام ۆولونتەر پروۆيزورلىق ستاتسيونارلارعا اكەلىنگەن وتتەگى باللوندارى مەن وكپەگە جاساندى جولمەن اۋا جىبەرەتىن اپپاراتتاردى ءتۇسىرۋ، عيماراتقا كىرگىزۋ جۇمىستارىن اتقارعان.

"ۆولونتەرلار 2 مىڭنان استام وتتەگى باللوندارى مەن 100 توننانىڭ ۇستىندە گۋمانيتارلىق كومەككە كەلگەن زاتتاردى ءتۇسىردى. مەديتسينا قىزمەتكەرلەرىن قولداۋ ماقساتىندا "مىڭ العىس" اكتسياسى ۇيىمداستىرىلىپ، شارا اياسىندا 600-دەن استام مەديتسينا قىزمەتكەرلەرىنە ازىق-ت ۇلىك تۇرىندە كومەك كورسەتىلدى. وبلىستا جىل باسىنان بەرى 800-دەن استام ءتۇرلى سيپاتتاعى قولداۋ شارالارى ۇيىمداستىرىلىپ، وعان 6 مىڭداي ۆولونتەر اتسالىستى"، - دەدى مارات جۇرقاباەۆ. 

ەرىكتىلەردىڭ ەل ءۇشىن ەتكەن ەلەۋلى ەڭبەگى ەسكەرسۋىز قالىپ جاتقان جوق. بيىل 122 قوستانايلىق ۆولونتەر تۇڭعىش پرەزيدەنت نۇرسۇلتان نازارباەۆتىڭ العىس حاتىنا يە بولدى. سونىمەن قاتار،  25 ۆولونتەر «حالىق العىسى» مەدالىنە ۇسىنىلىپ وتىر.  جەلتوقسان ايىنىڭ سوڭىنا تامان وبلىستىڭ ۇزدىك ۆولونتەرى مەن ۇزدىك ۆولونتەرلىق ۇيىمى انىقتالماق. 

سوڭعى جاڭالىقتار

الماتىداعى احۋال كۇردەلى

ايماقتار • بۇگىن، 19:45

بالالار Ashyq جۇيەسىنە ەنگىزىلە مە؟

قازاقستان • بۇگىن، 19:20

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار