ەكونوميكالىق ديپلوماتيانى ىلگەرىلەتۋ اياسىندا قازاقستاننىڭ فرانتسياداعى ەلشىلىگى فرانتسۋز ينۆەستورلارىنا ەلىمىزدىڭ ايماقتارىنىڭ پرەزەنتاتسيالارى توپتاماسىن وتكىزۋ باستاماسىن كوتەردى.
بەينەكونفەرەنتسيا فورماتىنداعى العاشقى وسىنداي كەزدەسۋ نۇر-سۇلتان قالاسىنىڭ اكىمدىگى مەن MEDEF قاۋىمداستىعىنا مۇشە – فرانتسۋز كومپانيالارى اراسىندا ءوتتى.
ونلاين ءىس-شارا قازاقستان-فرانتسيا ىسكەري كەڭەسىنىڭ تەڭ توراعالارى ايدان كارىبجانوۆ پەن يۆ-لۋي دارريكاررەردىڭ, قازاقستان ەلشىسى جان عاليەۆتىڭ, نۇر-سۇلتان قالاسى اكىمىنىڭ ورىنباسارى ماليكا بەكتۇروۆانىڭ, سونداي-اق "Astana Invest" جانە "Astana Innovations" كومپانيالارى وكىلدەرىنىڭ قاتىسۋىمەن ءوتتى.
ءوز بايانداماسىندا م. بەكتۇروۆا قالالىق ينفراقۇرىلىمنىڭ جاعدايى مەن بولاشاعى, سونداي-اق شەتەلدىك ينۆەستورلارمەن جانە سەرىكتەستەرمەن ءوزارا ارەكەتتەسۋ مەحانيزمدەرى تۋرالى ەگجەي-تەگجەيلى اقپارات بەردى.
فرانتسۋز كومپانيالارىنىڭ وكىلدەرى وزدەرىن قىزىقتىرعان بىرقاتار سۇراقتار قويىپ, تولىققاندى جاۋاپتار الا الدى. اتاپ ايتقاندا, ولاردى ينفراقۇرىلىم مەن كولىكتى دامىتۋ, ەكولوگيانى جاقسارتۋ جانە قورشاعان ورتانى قورعاۋ, سونداي-اق تسيفرلاندىرۋ جوبالارىنا قاتىسۋ مۇمكىندىكتەرى قىزىقتىردى. فرانتسۋز سەرىكتەستەر ۇسىنىلعان اقپاراتتىڭ جوعارى ساپاسى مەن وزەكتىلىگىن اتاپ ءوتتى. كەزدەسۋگە قاتىسۋشىلار بىرلەسكەن جوبالار بويىنشا جۇزبە-ءجۇز تالقىلاۋ وتكىزۋ ءۇشىن سانيتارلىق كەدەرگىلەردىڭ تەزىرەك الىناتىنىنا ءۇمىت ءبىلدىردى
