ايماقتار • 03 جەلتوقسان، 2020

اتىراۋدا 1000-عا جۋىق نىسان كارانتين تالاپتارىن بۇزعان

18 رەت كورسەتىلدى

اتىراۋ قالاسىندا كارانتين رەجىمىنىڭ تالاپتارىن بۇزعان 1000-عا جۋىق كاسىپكەرلىك نىسانى انىقتالدى، دەپ حابارلايدى Egemen.kzء ىىم ءباسپاسوز قىزمەتىنە سىلتەمە جاساپ.

ايىم ءداۋىت

ولاردىڭ اراسىندا ويىن-ساۋىق ورىندارى مەن سۇلۋلىق سالوندارى، مونشا، دۇكەن، ت.ب. كاسىپكەرلىك نىساندارى بار. اتىراۋ وبلىسى باس مەملەكەتتىك سانيتارلىق دارىگەرىنىڭ 2020 جىلعى 20 قازانداعى №69 قاۋلىسىنا سايكەس ويىن-ساۋىق ورىندارىنىڭ قىزمەتى 22.00-گە دەيىن، ازىق- ت ۇلىك دۇكەندەرىنىڭ قىزمەتى ساعات 23.00-دەيىن شەكتەلگەن.

سوعان قاراماستان اتىراۋ قالاسىندا تەك جۇما-سەنبى كۇندەرى پوليتسيا قىزمەتكەرلەرى موبيلدىك توپ قۇرامىندا رەيدتەر وتكىزۋ كەزىندە بىرنەشە قۇقىق بۇزۋشىلىقتى انىقتادى. اتاپ ايتقاندا، ستۋدەنتتەر داڭعىلىندا ورنالاسقان "ليفت" مەيرامحاناسى، اۆانگارد-4 ىقشام اۋدانىندا ورنالاسقان "ەسپەرانزو" ءدامحاناسى، ۆوكزال ماڭىندا ورنالاسقان "دونەر" دۇڭگىرشەگى، ۆودنيك كەنتىندە ورنالاسقان "بەگىس" ازىق-ت ۇلىك دۇكەنى، م.گوركي كوشەسىندە ورنالاسقان "رىبا موەي مەچتى" كاراوكە كلۋبى، س.داتوۆ كوشەسىندە ورنالاسقان "اتامەكەن" مونشاسى بەلگىلەنگەن ۋاقىتتان تىس جۇمىستارىن جالعاستىرىپ، كارانتين رەجىمىن بۇزعان.

انىقتالعان كاسىپكەرلىك نىساندارىنىڭ ىشىندە بۇعان دەيىن دە كارانتين رەجىمىن بۇزىپ، اقبتك-ءنىڭ 425-بابىمەن (حالىقتىڭ سانيتاريالىق-ەپيدەميالىق سالاماتتىلىعى سالاسىنداعى زاڭناما تالاپتارىن، سونداي-اق گيگيەنالىق نورماتيۆتەردى بۇزۋ) جاۋاپكەرشىلىككە تارتىلعانىنا قاراماستان، قايتالاپ قۇقىق بۇزعاندار بار.

"ليفت" مەيرامحاناسى وسى ۋاقىتقا دەيىن ءۇش رەت، "رىبا موەي مەچتى" كاراوكەسى جەتى رەت كارانتين ءتارتىبىن بۇزىپ، ساعات 22:00-دەن كەيىن جۇمىس ىستەگەن. قازىرگى ۋاقىتتا اتالعان مەكەمەلەردىڭ يەلەرىنە قاتىستى جينالعان قۇجاتتار پروتسەسسۋالدىق شەشىم قابىلداۋ ءۇشىن تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنە جولداندى.

شىلدە ايىنان بەرى اتىراۋ قالاسىندا كارانتين ءتارتىبىن بۇزعان 1000-عا جۋىق كاسىپكەرلىك وبەكتىسىنە 75 ملن تەڭگەگە ايىپپۇل سالىندى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز