"تۇڭعىش پرەزيدەنت كۇنى – تاۋەلسىز قازاقستان تاريحىنداعى ماڭىزدى كۇن, بۇل جالپىۇلتتىق ىنتىماق, بىرلىك كۇنى. بۇگىنگى تاڭدا, دۇنيەجۇزىن پاندەميا جايلاعان كەزدە, ىشكى ىستەر ورگاندارىنىڭ كۇشتەرى قوعامدىق ءتارتىپ پەن ازاماتتاردىڭ قاۋىپسىزدىگىن ساقتاۋعا جانە كارانتيندىك ءىس-شارالاردى قامتاماسىز ەتۋگە باعىتتالعان. پوليتسيا دەپارتامەنتىنىڭ جەكە قۇرامى حالىقتىڭ جانە مەملەكەت باسشىسىنىڭ سەنىمىن اقتاۋ ءۇشىن بار كۇش-جىگەرلەرىن جۇمسايتىنىنا سەنىمدىمىن. وسىناۋ مەرەكە كۇنى, ءمىنسىز قىزمەتتەرى ءۇشىن كوپتەگەن قىزمەتكەرلەرىمىزگە العىس بىلدىرگىم كەلەدى", دەپ اتاپ ءوتتى سقو پد باستىعى, پوليتسيا پولكوۆنيگى مارات تولەباەۆ.
مەدالدار, توسبەلگىلەر, قۇرمەت گراموتالارى مەن العىس حاتتارمەن قيىن دا جاۋاپكەرشىلىگى زور قىزمەتتەگى تابىستارى ءۇشىن 35 وفيتسەر مەن سەرجانت ماراپاتتالدى. ماراپاتتالعانداردىڭ اراسىندا – پوليتسيا كاپيتانى ازامات جامۇقوۆ بار. ازامات ىشكى ىستەر ورگاندارىندا 2009 جىلدان باستاپ قىزمەت اتقارادى. قازىرگى لاۋازىمى – سقو پد جەرگىلىكتى پوليتسيا قىزمەتى باسقارماسىنىڭ اعا ينسپەكتورى.
سونىمەن قاتار, ماراپاتتالعانداردىڭ قاتارىندا عابيت مۇسىرەپوۆ اتىنداعى اۋداننىڭ پوليتسيا ءبولىمى باستىعىنىڭ كادر ساياساتى جونىندەگى ورىنباسارى پوليتسيا كاپيتانى شاميل يزتۋلين دە بار. ول دا ىشكى ىستەر ورگاندارىندا 2009 جىلدان قىزمەت اتقارادى.
