ول گراند-فينالدا «Forever» ء انىن ورىندادى. اتالعان مۋزىكالىق كومپوزيتسيانى قاراقات 5 جىل بۇرىن ومىردەن وتكەن اكەسىنە ارناعان بولاتىن.
«بۇل مەنىڭ عانا ەمەس, قازاق ەلىنىڭ جەڭىسى دەپ ويلايمىن. قولداعاندارىڭىز ءۇشىن, داۋىس بەرگەندەرىڭىز ءۇشىن بارشاڭىزعا كوپ راقمەت. الدا مەنى ءالى دە كوپ جەتىستىكتەر كۇتىپ تۇر دەپ ويلايمىن», - دەدى قاراقات.
بەدەلدى مۋزىكالىق بايقاۋدا جەڭىستى فرانتسيا ەلىنىڭ ورىنداۋشىسى 200 ۇپايمەن, ءۇشىنشى ورىندى يسپانيا ەلىنىڭ وكىلى 133 ۇپايمەن يەلەندى.
بيىل فينالعا 12 ورىنداۋشى قاتىستى. جەڭىمپاز قازىلار القاسىنىڭ داۋىس بەرۋى مەن تەلەكورەرمەندەردىڭ ونلاين-داۋىس بەرۋ ناتيجەلەرى بويىنشا انىقتالدى.
قازاقستان اتالعان ءان بايقاۋعا ءۇشىنشى مارتە قاتىسۋدا. قاراقات باشانوۆانىڭ Junior Eurovision-2020-دا ونەر كورسەتەتىنى قىركۇيەك ايىندا وتكەن ۇلتتىق ىرىكتەۋدەگى جەڭىسىنەن كەيىن بەلگىلى بولدى.
قازاقستان Junior Eurovision بايقاۋىنا العاش رەت 2018 جىلى قاتىسىپ, دەبيۋت جاسادى. سول كەزدە ەلىمىزدىڭ اتىنان دانەليا تۋلەشوۆا قاتىسىپ, «وزىڭە سeن» ءانىن ورىندادى. ول التىنشى ورىندى يەلەندى. 2019 جىلى ەرجان ماكسيم «ارمانىڭنان قالما» انىمەن ەكىنشى ورىندى (قازىلار القاسىنىڭ شەشىمىمەن ءبىرىنشى) جەڭىپ الدى. قازاقستاننىڭ بۇل جارىسقا بيىل ء ۇشىنشى رەت قاتىسۋى «حابار» اگەنتتىگىنىڭ ەۋروپالىق حابار تاراتۋ وداعىنىڭ قاۋىمداستىرىلعان مۇشەسى اتانۋىنىڭ ارقاسىندا مۇمكىن بولىپ وتىر.
