وڭتۇستىك قازاقستان • 25 قاراشا، 2020

شىمكەنتتە سۇگىر ءالى ۇلىنىڭ ەسكەرتكىشى اشىلدى

57 رەت كورسەتىلدى

ءۇشىنشى مەگاپوليستە شەرتپە كۇيدىڭ شەبەرى سۇگىر ءالى ۇلىنىڭ ەسكەرتكىشى اشىلدى. وسىناۋ ەسكەرتكىشتىڭ ورناتىلۋىنا زاڭگەر بەكەت تۇرعاراەۆ باستاعان باستاماشىل توپ مۇرىندىق بولعان. نوبايىن جاساپ، ورناتقان شىمكەنتتىك ءمۇسىنشى ابدىكارىم احمەتوۆ بولسا،  كاسىپكەر امانگەلدى ماقاشوۆ دەمەۋشىلىك كورسەتكەن، دەپ حابارلايدى Egemen.kz

سۇگىر ءالى ۇلىنىڭ ەسكەرتكىشىن شىمكەنت قالاسىنا ورناتۋعا ۇسىنىس بەرگەن باستاماشىل توپتىڭ شەشىمىن قالا اكىمى مۇرات ايتەنوۆ قولداعان. ا.بايتۇرسىنوۆ كوشەسىنىڭ بويىنان ورناتۋعا شەشىم قابىلداپ، مادەنيەت جانە سپورت مينيسترلىگى جانىنداعى مونۋمەنتتى ەسكەرتكىشتەردى ورناتۋ كوميسسياسىنا ۇسىنىس بەرىلگەن. كوميسسيانىڭ قولداۋ شەشىمىن العان سوڭ، ەسكەرتكىش ءوز تۇعىرىنا قوندىرىلىپ وتىر. كيەلى دومبىرانى جان-تانىمەن ۇعىپ، ومىرىنە ارقاۋ ەتكەن دالانىڭ دارابوز كۇيشىلەرىنىڭ ءبىرى – سۇگىر ءالى ۇلىنا ارنالعان ەسكەرتكىشتىڭ اشىلۋ راسىمىنە شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان جانە زيالى قاۋىم وكىلدەرى قاتىستى.

"سۇگىر بابامىزعا قالامىزدىڭ ادەمى جەرىنەن ەسكەرتكىش قويىلدى. بۇل تەك كۇيشى سۇگىرگە ەمەس، قازاق ونەرىنە قويىلعان ەسكەرتكىشتىڭ ءبىرى دەپ ايتساق ارتىق ەمەس. بابامىزدىڭ بۇل ەسكەرتكىشى بارشا ونەرسۇيەر قاۋىم مەن تىڭدارماندار ءۇشىن، ونىڭ ىشىندە شىمكەنتتىڭ تۇرعىندارى ءۇشىن ۇلكەن ماقتانىش دەپ ايتۋعا بولادى. ۇلى دالامىزدا ەسىمى ەلگە بەلگىلى ءۇش سۇگىر بولسا، ونىڭ ءبىرى قازىنالى قاراتاۋدىڭ قۇشاعىنداعى سوزاقتىڭ ۇلانى سۇگىر ءالى ۇلى ەدى. ونىڭ ومىرگە اكەلگەن "تەلقوڭىر"، "بوزىنگەن" اتتى ايگىلى كۇيلەرى سوزاق حالقىنىڭ تۇرمىس-تىرشىلىگىن بايقاتادى. بۇدان بولەك، "قاراتاۋ شەرتپەلەرى" اتتى تسيكلدى شىعارمالارى تىڭداعان جاننىڭ بويىنا قۋات، جۇرەگىنە شۋاق بەرەدى. بىرەگەي تۋىندىلار عانا تىڭدارماننىڭ جۇرەگىن جاۋلاي الاتىنىن تاعى دا جان-تانىمىزبەن سەزىنىپ، جۇرەگىمىزبەن مويىندايمىز. س.ءالى ۇلى قايتالانبايتىن تۋىندىلارىنان بولەك، ۇزدىك شاكىرتتەرگە دە باي"، دەدى شىڭعىس جۇمابەك ۇلى.

1961 جىلى سوزاق جەرىندە قايتىس بولىپ، قارابۋرا اۋليە جاتقان قورىمعا جەرلەنىپ، كەسەنەسى تۇرعىزىلعان سۇگىر ءالى ۇلىن ماڭگىلىك ەستە ساقتاۋ باعىتىندا  وڭىردە ءبىرشاما جۇمىستار اتقارىلعان. مىسالى، سوزاقتا باتىرلار اللەياسىنا ەسكەرتكىش ءمۇسىنى قويىلعان، اۋدانداعى ورتا مەكتەپ سۇگىردىڭ اتىمەن اتالادى. ال شىمكەنت قالاسىنداعى ءشامشى قالداياقوۆ اتىنداعى فيلارمونيانىڭ جانىنداعى وركەسترگە سۇگىر اتى بەرىلگەن. جيىندا ءسوز العان بەكەت تۇرعاراەۆ وسى تاقىلەتتەس جۇمىستار جالعاسىن تاباتىنىن ايتتى.

سوڭعى جاڭالىقتار

ىندەت جۇقتىرعاندار سانى كوبەيدى

كوروناۆيرۋس • بۇگىن، 13:58

سەمەيگە جاڭا اكىم تاعايىندالدى

تاعايىنداۋ • بۇگىن، 11:57

الماتىدا 10 كىتاپحانا جاڭارتىلدى

ايماقتار • بۇگىن، 10:47

قازاقستان «قىزىل» ايماققا كىردى

قازاقستان • بۇگىن، 09:30

جىر بايگەسى مارەسىنە جەتتى

ادەبيەت • بۇگىن، 07:14

ونەرتاپقىش ورەن

ايماقتار • بۇگىن، 07:13

ساداق تۋرالى ساباق

ايماقتار • بۇگىن، 07:10

جافاروۆتىڭ جەڭىستى جولى

بوكس • بۇگىن، 07:04

ۇقساس جاڭالىقتار