قالالىق الەۋمەتتىك ءال-اۋقات باسقارماسىنىڭ حابارلاۋىنشا, Biz birgemiz جوباسىنىڭ اياسىندا قالادا ەرىكتىلەر توبى ون مىڭعا جۋىق كومەككە مۇقتاج ادامعا بارىپ, ازىق-ت ۇلىك جانە باسقا دا قاجەتتى زاتتار اپارىپ قولداۋ كورسەتكەن. باسقارما دەرەگىنشە, 200-دەن استام ەرىكتى جاستار قاتىسقان شارادا 52 مىڭنان وتباسى كومەك العان.
"بولىنگەن 75 ميلليون تەڭگەگە ىشىنە انتيباكتەريالدى سابىن, مەديتسينالىق ماسكا, انتيسەپتيك كىرەتىن 7 مىڭنان استام گيگيەنالىق سانيتارلىق جيناقتار ساتىپ الىندى. جارتى ايدا قالادا جالعىز ءومىر سۇرەتىن ارداگەرلەرگە 36 مىڭداي تۇسكى اس جەتكىزىلدى", – دەيدى قالالىق Jas Otan جاستار قاناتىنىڭ توراعاسى ءمادي احمەتوۆ.
سونداي-اق شاھارداعى "جاڭا الاتاۋ" قوعامدىق قورى قالا تۇرعىندارىنان قارجى جيىپ, مەديتسينالىق قىزمەتكەرلەرگە قولداۋ كورسەتكەن. 2 اي ىشىندە 260 ميلليون 860 مىڭ تەڭگە جينالىپ, ول قارجىعا قاجەتتى كيىم-كەشەك الىنعان.
ال قاتاڭ كارانتين كەزىندە تابىسىنان ايىرىلىپ, تۇرمىسى تومەندەگەن جەكە كاسىپكەرلەر, جەكە پراكتيكامەن اينالىسۋشى, ءوزىن-ءوزى جۇمىسپەن قامتىعان جانە اقىسىز دەمالىسقا شىققان ازاماتتار 42 500 تەڭگە الەۋمەتتىك تولەمىن العان. توتەنشە جاعداي رەجيمى كەزىندە 400 مىڭنان استام ادام بۇل كومەككە يە بولسا, قاتاڭ شەكتەۋلەر الىنىپ تاستالعاننان كەيىن دە تاعى 230 مىڭ الماتىلىققا مەملەكەتتىك جاردەماقى تاعايىندالعان.
اباي ايماعامبەت,
«Egemen Qazaqstan»
