ايماقتار • 24 قاراشا، 2020

«ۆوزروجدەنيە» «ءبىز بىرگەمىز!» دەيدى...

وبلىستاعى «ۆوزروجدەنيە» نەمىستەر قوعامدىق بىرلەستىگىنىڭ الەۋمەتتىك جۇمىستار بويىنشا ۇيلەستىرۋشىسى مارينا انگالد حابارلاعانداي، قوعامدىق بىرلەستىك مۇشەلەرى ازىق-ت ۇلىككە تولى سەبەتتەردى پاۆلودار، اقسۋ قالالارى، تەرەڭكول، شارباقتى جانە ۋسپەن اۋداندارىندا تۇراتىن ارداگەرلەر مەن زەينەتكەرلەرگە جەتكىزىپ بەرىپتى.

فاريدا بىقاي

مارينا انگالدتىڭ ايتۋىنشا، «ۆوزروجدەنيە» نەمىستەر قوعامىنىڭ مۇشەلەرى ء«بىز بىرگەمىز!» رەسپۋبليكالىق شاراسىنا قاتىسىپ، قايىرىمدىلىق، جاناشىرلىق تانىتىپ، زەينەتكەرلەرگە، ارداگەرلەرگە، از قامتاماسىز ەتىلگەن وتباسىلارىنا قولداۋ كورسەتتى.

ىندەت تاراعان ۋاقىتتان بەرى قوعامدىق بىرلەستىك مۇشەلەرى وبلىستاعى بالالار ۇيلەرىنە، مەكتەپتەرگە، قيىن جاعدايعا تاپ بولعان وبلىس تۇرعىندارىنا جەدەل كومەككە كەلدى. مىسالى، ۆ.رۋف باسقاراتىن «رۋبيكوم» جانە ا.كاسيتسىن باسقاراتىن «گاليتسكوە» سەرىكتەستىكتەرىنىڭ دەمەۋشىلىگى ەسەبىنەن 20 ميلليون تەڭگەدەن استام قارجى قايىرىمدىلىق شاراسىنا جۇمسالعان.

جەلەزين اۋدانىندا تۇراتىن نينا گەربەرت كوپ جىل بويى الەۋمەتتىك ۆولونتەر. وسى اۋداندا تۇراتىن نەمىس ۇلتىنىڭ وكىلدەرىنە الەۋمەتتىك تۇرعىدان جاناشىر، قازىر ليديا وتتوعا قاراسۋدا. ال ليۋدميلا سيپي بولسا 2015 جىلدان باستاپ الەۋمەتتىك ۆولونتەر قاتارىندا قىسىلعانعا قول-ۇشىن بەرىپ ءجۇر. وڭىردەگى ۋسپەن، جەلەزين، ەرتىس، تەرەڭكول، پاۆلودار اۋداندارىندا نەمىس ۇلتىنىڭ وكىلدەرى تۇرادى. ليۋدميلا ءوزى تۇراتىن اۋداندا وبلىستىق «ۆوزروجدەنيە» قوعامىنىڭ نەگىزىندە ۋسپەنكا اۋىلىندا تۇراتىن جالعىزىلىكتى قارتتارعا، اۋرۋ جاندارعا كومەكتەسەدى. بىرلەستىك مۇشەلەرىنىڭ ارقايسىسى «جاقىنىڭا جاناشىر بول!» اتتى قازاقستاندىق الەۋمەتتىك قايىرىمدىلىق شارالارىنا قاتىسادى.

ليۋدميلانىڭ ايتۋىنشا، ول «ۇيدەگى قامقورلىق» جوباسىن تاڭداعان. وسى جوبا ارقىلى توپتاعى 5 ادام قارتتارعا كوكتەمدە كارتوپ، كوكونىس ەگۋگە كومەكتەسسە، جازدا باقشا سۋارادى، ارام شوپتەرىن جۇلادى، كۇزدە ونىمدەرىن جيناپ بەرەدى.

– مىنە، قازىر قىس تا كەلدى. قارت ادامدارعا بارىپ ۇيلەرىنىڭ اۋلاسىن قاردان تازالايمىز، وتىندارىن جيناپ بەرەمىز. كۇندەلىكتى تۇرمىسقا قاجەتتى بارلىق شارۋالارىن اتقارامىز. زەينەتكەرلەرگە «ۆوزروجدەنيە» قوعامى سىيلىقتار تارتۋ ەتەدى، نەمىس ۇلتىنىڭ وكىلدەرى سوناۋ ءبىر قۋعىن-سۇرگىن جىلدارى قازاق جەرىنەن پانا تاپتى، – دەيدى ليۋدميلا.

«ۆوزروجدەنيە» قوعامى توراعاسىنىڭ ورىنباسارى ولگا ليتنەۆسكايانىڭ ايتۋىنشا، جەرگىلىكتى اسسامبلەيادا ەل بىرلىگى ماقساتىندا اتقارىپ جاتقان وزگە دە جۇمىستارى از ەمەس. بۇدان باسقا، قازىر جالپى، «ەلىمىزدە تۇرىپ جاتقان نەمىس ۇلتىنىڭ وكىلدەرىنە الەۋمەتتىك-گۋمانيتارلىق قولداۋ كورسەتۋ» جوباسى دا باستالدى. وڭىرىمىزدە قازىر 20 مىڭداي نەمىس ۇلتىنىڭ وكىلدەرى تۇرادى. قايىرىمدىلىق كومەك ازىق-ت ۇلىك سەبەتتەرى، ءدارى-دارمەك الۋعا كەتكەن شىعىنداردى وتەۋ تۇرىندە كورسەتىلەدى. كومەك ەڭ ءبىرىنشى كەزەكتە توتەنشە جاعداي جانە كارانتيندىك شەكتەۋلەر كەزىندە تابىسىنان ايىرىلعان وتباسىلارىنا، جۇمىسسىزدارعا، بارلىق مۇگەدەكتەرگە، مۇگەدەك بالالاردى تاربيەلەپ وتىرعان وتباسىلارعا جانە زەينەتكەرلەرگە كورسەتىلەدى.

پاۆلودار وبلىسى